Trimbakeshwar Encroachment Removal : त्र्यंबकेश्वर मंदिर परिसरात प्रशासनाचा 'बुलडोझर'! मुख्यमंत्र्यांच्या दौऱ्यापूर्वी मोठी कारवाई; दुकानांचे अतिक्रमण जमीनदोस्त

त्र्यंबकेश्वर (नाशिक) : येथील श्री त्र्यंबकेश्वर देवस्थान मंदिराच्या कोटालगत असलेल्या टपऱ्या, दुकानांचे अतिक्रमण प्रशासनाने मंगळवारीच हटविले. दर्शनपथासह विविध विकासकामांचे भूमिपूजन शनिवारी (ता. २५) मुख्यमंत्र्यांच्या हस्ते होत असल्याने त्या पार्श्वभूमीवर ही कारवाई करण्यात आली आहे. दुसरीकडे आम्हाला दोन दिवसांची मुदत देण्यात आली होती, तत्पूर्वी ही कारवाई झाल्याने साहित्याचे नुकसान झाल्याचा दावा टपरी, दुकानधारकांनी केला आहे.