सिन्नर- मुंबई- नागपूर समृद्धी महामार्गावर सुरेगाव शिवारात (ता. सिन्नर) शनिवारी (ता.२९) सकाळी सहाच्या सुमारास आयशर टेम्पो पुढे चालणाऱ्या ट्रेलरवर धडकून आयशर टेम्पोतील दोघांचा मृत्यू झाल्याची घटना घडली..नागपूरहून मुंबईकडे जाणाऱ्या कॉरिडोरवर हा अपघात झाला. ट्रेलरला ( एमएच ४६, एएफ २५४७) पाठीमागून भरधाव येणाऱ्या आयशर टेम्पोने (एमएच ०४, केयू ५५३४) जोरदार धडक दिली. या अपघातात आयशरचा चालक विजय लालमन यादव (२४, सिद्धार्थनगर, उत्तर प्रदेश), सनाऊल्ल मोहमद उमर चौधरी (४६, वसई, ठाणे) या दोघांचा जागीच मृत्यू झाला. प्रयागराज येथून कुंभमेळ्याचे साहित्य घेऊन ते मुंबईकडे जात होते..अपघाताची माहिती समजल्यावर गोंदे टोल प्लाझा येथील महाराष्ट्र सुरक्षा रक्षक दलाचे निरीक्षक मिलिंद सरवदे, रुग्णवाहिका व अपघात प्रतिसाद पथक घटनास्थळी धावले. वावी पोलिस ठाण्यातील कर्मचारीही अपघातस्थळी दाखल झाले. आयशरचा दर्शनी भाग अपघातामुळे उद्ध्वस्त झाला होता..दोन्ही मृतदेह काढण्यासाठी मदत पथकाला सुमारे एक तास लागला. टेम्पोच्या केबिनमध्ये अडकलेले मृतदेह अक्षरशः ओढून बाहेर काढावे लागले. ते सिन्नर येथील उपजिल्हा रुग्णालयात विच्छेदनासाठी पाठवण्यात आले. या प्रकरणी वावी पोलिसात अपघाताची नोंद करण्यात आली आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
