नाशिक- शिवसेना (उद्धव बाळासाहेब ठाकरे) पक्षाचे प्रमुख उद्धव ठाकरे यांच्या उपस्थितीत बुधवारी (ता. १६) मनोहर गार्डनमध्ये उत्तर महाराष्ट्राचे विभागीय शिबिर आयोजित करण्यात आले आहे. .शिबिराच्या शेवटी उद्धव ठाकरे यांचे भाषण होईल. दिवसभर विविध मान्यवरांची महाराष्ट्रातील सद्यस्थितीवर चर्चासत्रे होतील. मेळाव्याचे वैशिष्ट्य म्हणजे हिंदुहृदयसम्राट बाळासाहेब ठाकरे यांचे यापूर्वी कधी न ऐकलेले भाषण दाखविले जाणार आहे. भाषणात एआय तंत्रज्ञानाचा वापर करण्यात आला असून, श्रोत्यांना स्वत: बाळासाहेब संवाद साधत असल्याची भावना निर्माण होईल, असा दावा शिवसेना प्रवक्ते खासदार संजय राऊत यांनी केला. शिबिरात विविध विषयांवर सखोल चिंतन होईल..विशेष करून शिवसेना (उबाठा) पक्षासाठी कायदेशीर लढाई लढणारे ॲड. असीम सरोदे मार्गदर्शन करणार आहेत. शिवसेनेची लोकसभेतील टीम जसे, की खासदार राजाभाऊ वाजे, अरविंद सावंत, विनायक राऊत, चंद्रकांत खैरे, विधान परिषदेतील विरोधी पक्षनेते अंबादास दानवे मार्गदर्शन करतील. शिवसेनेचे मुंबईबाहेर होणारे पहिलेच शिबिर आहे..असा आहे शिवसेना (उबाठा) पक्षाचा कार्यक्रमसकाळी ९- शाहिरी कार्यक्रमसकाळी १०- युवासेना प्रमुख, आमदार आदित्य ठाकरे यांच्या हस्ते उद्घाटनसकाळी १० ते ११- चर्चासत्र- आम्ही शिवसेनेत का? (वक्ते- खासदार अरविंद सावंत, चंद्रकांत खैरे, राजाभाऊ वाजे, राजन विचारे)सकाळी ११ ते दुपारी १२- महाराष्ट्र कुठे चाललाय? (वक्ते- युवासेना प्रमुख, आमदार आदित्य ठाकरे)दुपारी १२ ते १- बूथ व्यवस्था व मतदान यादी (वक्ते- विनायक राऊत)दुपारी २ ते ३- संघटनेचा आत्मा व पुनर्बांधणी (वक्ते- अंबादास दानवे)दुपारी ३ ते ४- खोटे खटले, फेक नरेटिव्ह व महाराष्ट्रापुढील समस्या (वक्ते- ॲड. असीम सरोदे)दुपारी ४ ते ४.३०- शाहिरी कार्यक्रम (शिवशाहीर स्वप्नील डुंबरे)सायंकाळी ५- एक धगधगता विचार (चित्रफीत)सायंकाळी ६- मार्गदर्शन (खासदार संजय राऊत)सायंकाळी ६.३०- मार्गदर्शन (शिवसेना पक्षप्रमुख उद्धव ठाकरे).सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
