Nashik News: नाशिक रोडचे विद्युत भवन सलाईनवर! फायर सेफ्टीची एक्स्पायरी संपली

Nashik News : नाशिक रोड येथील एमएसईबी मुख्य कार्यालय म्हणून ओळखले जाणारे विद्युत भवन सध्या सलाईनवर आहे. फायर सेफ्टी इन्स्ट्रुमेंटची एक्स्पायरी २०१५ व २०२० ला संपलेली असताना हे फायर सेफ्टी इन्स्ट्रुमेंट या ठिकाणी लावण्यात आल्यामुळे नागरिकांनी आश्चर्य व्यक्त केले आहे. (Vidyut Bhawan of Nashik Road Fire safety expired Nashik News)

नाशिक रोड येथील विद्युत भवन येथे महावितरणचा मुख्य कारभार चालतो. सर्व अधिकारी याच ठिकाणी कार्यरत आहे. या ठिकाणी आधीपासून संरक्षण मिळवायला बसवलेले इन्स्ट्रुमेंट कालबाह्य झालेले आहे.

या ठिकाणी आग लागल्यावर सेफ्टीसाठी बसवलेले लाल सिलिंडर २०१५ व २०२० ला एक्स्पायर झाले असल्यामुळे आधीपासून सुरक्षिततेचा प्रश्न विद्युत भवन कार्यालयात निर्माण झाला आहे.

येथील कर्मचारी आणि अधिकारी हायरस्क झोनमध्ये काम करत असल्याचा निर्वाळा नागरिकांनी दिला आहे. सदर फोटो सोशल मीडियावर व्हायरल झाल्यामुळे अनेक लोक महावितरणच्या या बेजबाबदार कारभारावर चर्चा करीत आहे.

हेही वाचा : Credit Card फसवणूक....काय घ्याल काळजी?

"फायर सेफ्टी संदर्भात माहिती घेऊन बोलणे महत्त्वाचे ठरेल. वरिष्ठांशी बोलून या संदर्भात तांत्रिक बाजू तपासून खुलासा केला जाईल."

- विकास आढे, जनसंपर्क अधिकारी, महावितरण

"या इमारतीमधील सर्वच अधिकारी कर्मचारी हाय रिस्क झोनमध्ये काम करत आहे. फायर सेफ्टी केली आहे का, दरवर्षी ऑडिट होते का, फायर सेफ्टीचे या सिलिंडरची मुदत २०१५ व २० ला संपलेली आहे." - संदीप जगझाप, तक्रारदार.