पत्नीशी असलेल्या अनैतिक संबंधाच्या संशयावरून रागाच्या भरात आरोपीने एकावर कोयत्याने ४२ वार करीत निर्घृण खून केला. भरदिवसा घडलेल्या या घटनेचे प्रत्यक्ष साक्षीदार होते; परंतु न्यायालयीन खटल्यादरम्यान सारे साक्षीदार फितूर झाले. मात्र, गुन्ह्यात तपास करताना तत्कालीन वरिष्ठ पोलिस निरीक्षक पी. टी. पाटील यांनी बारकाईने एक-एक पुराव्यांचे संकलन केले होते. अखेर त्याच पुराव्यांच्या आधारे आरोपीला न्यायालयाने जन्मठेपेची शिक्षा ठोठावली.