Nashik Crime News : क्रेडीट सोसायटीच्‍या कर्जाच्या बहाण्याने महिलेला 15 लाखाचा गंडा

Nashik Crime News : महिलेला क्रेडीट सोसायटीचे अन्‌ सेक्युलर लोन मिळवून देण्याच्या बहाण्याने सहा जणांनी महिलेला तब्बल १५ लाखांना गंडविल्याचा प्रकार उघडकीस आला आहे. याप्रकरणी महिलेच्या तक्रारीवरून सहा जणांविरुद्ध नाशिक रोड पोलिस ठाण्यात फसवणुकीचा गुन्हा दाखल करण्यात आला आहे. (Woman extorted 15 lakhs on pretext of credit society loan Nashik Crime News)

हेही वाचा : सामान्यांचा पैसा सुरक्षित ठेवण्यासाठीच Virtual Currency करकक्षेत

भाग्यश्री गौरव धर्माधिकारी (२५, औदुंबर बंगला, जगताप मळा, नाशिक रोड) यांना कर्ज हवे होते. त्यांच्या अडचणीचा फायदा घेत जगताप मळा भागातील ओम साई को ऑफ क्रेडीट सोसायटीकडून कर्ज मिळवून देण्याच्या बहाण्याने १५ लाख ६६ हजाराला फसविले.

रजनी देशपांडे ऊर्फ रजनी सागर पंडित, अशोक शिवाप्पा पुजारी, सुमीत जैन, गंगाधर (पूर्ण नाव नाही), श्रीपाल जैन, संतोष दुबे अशी संशयितांची नावे आहे. या सगळ्यांनी मिळून फसविल्याचे तक्रारीत म्हटले आहे.