येवला: पारेगाव येथील शेतशिवार रस्ता कागदावरच खुला झाला, प्रत्यक्षात वापरात येत नसून शेतात जाणे मुश्किल झाले आहे. यामुळे संतप्त झालेल्या पारेगाव येथील शेतकरी कुटुंबाने येवला तहसील कार्यालय आवारात स्वातंत्र्यदिनी ध्वजारोहणाचा कार्यक्रम सुरू असतानाच अंगावर डिझेल टाकून घेत आत्मदहनाचा प्रयत्न केला. अचानक झालेल्या या घटनेने प्रशासकीय संकुलात मोठी खळबळ उडाली. पोलिस अधिकाऱ्यांनी वेळीच हस्तक्षेप करून पुढील अनर्थ टाळला. याप्रकरणी येवला शहर पोलिसांत गुन्हा दाखल करण्यात आला आहे.
