Yesgaon News : कुंभार व्यवसाय आता उरला फक्त सणासुदीपुरता!

प्रभाकर बच्छाव : येसगाव- फिरत्या चाकावर मातीला आकार देण्याबरोबरच संसाराचा तोल सांभाळण्याची कसरत सध्या ग्रामीण भागातील कुंभार समाजाला करावी लागत आहे. मागणी अत्यल्प, परिणामी उत्पन्न कमी परंतु कष्ट जास्त, त्यामुळे या समाजातील तरुण पिढीचा कल उद्योगधंद्यांकडे असल्याने आपल्या परंपरागत व्यवसायाकडे पाठ फिरविताना ते दिसत आहेत. .मातीच्या भांड्यांची जागा आता स्टील, प्लास्टिक वस्तूंनी घेतली. मात्र अक्षय तृतीयेच्या सणामुळे या व्यवसायावर सकारात्मक परिणाम होतो. हा सण शुभ मानला जातो, त्यामुळे घागरीची मागणी वाढते. मातीची नवीन कऱ्हा-केळी खरेदी करणे शुभ मानले जाते. परंपरेनुसार कऱ्हा-केळी खरेदी केली जाते. ठराविक सण समारंभ उत्सवासाठी लागणाऱ्या साहित्य निर्मितीबरोबरच कुंभार बांधवांचे हात अडकलेले दिसतात. .एरवी मात्र ते रिकामे राहतात. माठ व इतर वस्तू तयार करण्यासाठी योग्य मातीच्या खाणी विकत घ्यावी लागतात. व्यवसाय जिकरीचा बनला आहे. वस्तू उरल्या तर घरात वर्षभर तो माल साठवावा लागतो. लग्न सराईत चूल, बेळमाथणी यांची विक्री काही प्रमाणात होते. मुलांना धंद्याविषयी आकर्षण नाही. मात्र अजूनही काही विशिष्ट वस्तूंची मागणी असल्याने या व्यावसायिकांच्या चरितार्थास हातभार लागत आहे. सध्या मातीच्या कोणत्याही वस्तूंचे भाव वाढलेले नाहीत..मातीच्या वस्तू ठेवण्यासाठी जागा अपुरी पडते. मातीच्या वस्तू भाजण्यासाठी सरपण महाग झाले आहे. चिखल, मळणी, वस्तू भाजणी आधी प्रक्रिया किचकट आणि वेळखाऊ असल्याने तरुण पिढी फारशी या व्यवसायात रमताना दिसत नाही. नवीन तंत्रज्ञान वापरून तरुण पिढीने लक्ष दिल्यास कुंभार व्यवसायाला चांगले दिवस येण्याची शक्यता आहे.- प्रकाश काळे, कुंभार व्यावसायिक, येसगाव बुद्रुक.वस्तूंचे भाव कऱ्हा व केळी : १०० रुपये नगलहान माठ : १५० ते १७५ रुपये रांजण मोठा : ४०० ते ५०० रुपयेमातीची चूल : ६० रुपयेखापर : २५० रुपये.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.