जिल्हा परिषदेचा 3 टक्के सेस निधी दिव्यांग महिला योजनेसाठी राखीव

नाशिक : दिव्‍यांग महिलांना रोजगाराच्‍या दृष्‍टीने तसेच स्‍वावलंबन या हेतूने शासनाकडून वेळोवेळी योजना पारीत केल्‍या जातात. जिल्हा परिषदेकडून (ZP) ग्रामीण भागातील दिव्यांग महिलांसाठी पिको फॉल मशिन देण्याची योजना आहे. या योजनेसाठी राखीव निधीतून खर्चाची तरतूद केली जाते. जिल्हा परिषदेच्या ३ टक्के सेस निधीतून अपंग कल्‍याण योजना (Disability Welfare Scheme) व खर्चाबाबत शासनाकडून आदेश पारीत झाले आहेत. (Zilla Parishad 3 cess fund reserved for Divyang Mahila Yojana Nashik News)

ग्रामीण भागातील दिव्यांग महिलांसाठी असलेल्‍या योजनेअंतर्गत दिव्यांग महिलांना पिको फॉल शिलाई मशिन पुरविणे यासाठी जिल्‍हा परिषदेकडून ३ टक्‍के सेस निधी राखून ठेवण्यात आलेला आहे. जिल्‍हा परिषदेचे मुख्य कार्यकारी अधिकारी यांनी सदर निधी १०० टक्‍के खर्च करण्याच्या सूचना दिलेल्‍या आहेत. प्रत्‍येक प्रकल्‍पातून किमान ३ लाभार्थी प्रस्‍ताव संबंधित विभागाकडून वेळेत सादर करण्याच्या सूचना दिलेल्‍या आहेत.