नाशिक: स्वातंत्र्य दिनानिमित्त जिल्हा परिषदेत ध्वजारोहण सोहळा उत्साहात पार पडला. मुख्य कार्यकारी अधिकारी तथा प्रशासक ओंकार पवार यांच्या हस्ते ध्वजारोहण झाले. जिल्हा परिषदेतील उपस्थित अधिकारी व कर्मचाऱ्यांनी ‘अवयवदान प्रतिज्ञा’व ‘अमली पदार्थविरोधी प्रतिज्ञा’ घेतली. दरम्यान, प्रतीक्षा यादीवर असलेल्या ४५ जणांना नियुक्तिपत्रे देत जिल्हा परिषदेने अनोखी भेट दिली.
