जळगाव- जिल्ह्यातील वाढते तापमान, पर्यायाने पर्यावरणात होणारे बदल, वाढते काँक्रिटीकरण यामुळे दिवसेंदिवस भूजल पातळीत मोठ्या प्रमाणात घट दिसत आहे. .भूजल पातळीत झपाट्याने होणारी घट हा चिंतेचा विषय बनला असून, होणारी घट भरून काढण्यासाठी जळगाव जिल्हा परिषदेच्या मुख्य कार्यकारी अधिकारी मीनल करनवाल यांच्या संकल्पनेतून जळगाव जिल्हा परिषद ‘मिशन संजीवनी’ अभियान राबविणार आहे..यापुढे जळगाव जिल्हा परिषदेच्या बांधकाम विभागामार्फत दिल्या जाणाऱ्या प्रत्येक मंजुरी आदेशात ‘रेन वॉटर हार्वेस्टिंग’ करणे हा विषय सक्तीचा करण्यात येणार आहे. जळगाव जिल्ह्यात दरवर्षी उन्हाळ्यात तापमान मोठ्या प्रमाणावर असते. वाढते तापमान, दिवसेंदिवस होणारे कॉंक्रिटीकरण, पाण्याचा अतिरिक्त होणारा वापर यामुळे दिवसेंदिवस भूजल पातळी मोठ्या प्रमाणावर घटत आहे. .जळगाव जिल्ह्यात देखील दरवर्षी उन्हाळ्यात भूजल पातळीत मोठ्या प्रमाणात घट होत असल्याने जिल्ह्यात अनेक ठिकाणी पाणीटंचाई सारख्या भीषण समस्यांना नागरिकांना सामोरे जावे लागते. जिल्ह्यातील अनेक भागात टँकरने पाणीपुरवठा करावा लागतो अनेक ठिकाणी विहिरी अधिकृत करून देखील पाण्याची मोठी समस्या जाणवते..‘मिशन संजीवनी’ अभियानयावर मात करण्यासाठी जळगाव जिल्हा परिषदेने ‘मिशन संजीवनी’ अभिनव संकल्पना अमलात आणण्याचे निश्चित केले आहे. मुख्य कार्यकारी अधिकारी श्रीमती करनवाल यांच्या अभिनव संकल्पनेतून ‘मिशन संजीवनी’ची मुहूर्तमेढ रोवली जाणार आहे..जिल्हा परिषदेचा पुढाकारजिल्हा परिषद अंतर्गत विविध विभागांकडून ग्रामीण भागात विविध विकास योजनांद्वारे लोकपयोगी इमारतींचे बांधकाम होत असते यात प्राथमिक आरोग्य केंद्र, आरोग्य उपकेंद्र, शाळा इमारत खोली बांधकाम, समाज मंदिरांचे तसेच ग्रामपंचायत कार्यालयाचे बांधकाम, सभागृह, सभा मंडप यासारखे विविध बांधकाम करण्यात येतात..जलफेरभरण अनिवार्ययासारख्या कामांना मंजुरी देताना किंवा प्रशासकीय मान्यता देताना सदर मंजुरी आदेशात संबंधित इमारतीचे बांधकाम करण्याचा मक्ता जो मक्तेदार घेईल त्यांना छतावर पावसाळ्यात पडणाऱ्या पाण्याचे पुनर्भरण (रेन वॉटर हार्वेस्टिंग) करण्याचे काम स्वखर्चाने करून देणे बंधनकारक राहणार आहे. या संदर्भातील स्पष्ट बांधकाम मंजुरी आदेशात टाकण्याचे आदेश मुख्य कार्यकारी अधिकारी श्रीमती करनवाल यांनी दिले आहेत. रेन वॉटर हार्वेस्टिंग च्या कामाचा कोणताही अतिरिक्त मोबदला दिला जाणार नसल्याचेही त्यांनी स्पष्ट केले आहे.....तर बांधकाम पूर्णत्वाची नोंद नाहीबांधकामाच्या ठिकाणी मक्तेदाराने रेन वॉटर हार्वेस्टिंग न केल्यास बांधकाम पूर्णत्वाची नोंद प्रशासकीय दप्तरी घेतली जाणार नसल्याच्या स्पष्ट सूचना आहेत. रेन वॉटर हार्वेस्टिंग केल्याचे पुरावे छायाचित्र स्वरूपात देयकाबरोबर जोडण्यात यावे. रेन वॉटर हार्वेस्टिंग झाल्याची खात्री करूनच देयक पारित करावे, असे निर्देश दिले आहेत. ग्रामपंचायत निधीतून मंजुरी देण्यात येणाऱ्या इमारत बांधकामांना रेन वॉटर हार्वेस्टिंग १ एप्रिलनंतरच्या मंजुरी देण्यात येणाऱ्या ग्रामविकास विभागाच्या नियंत्रणातील प्रत्येक बांधकामास सक्तीचे केले आहे. .सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
