OBC Reservation : भाजप ओबीसी मोर्चातर्फे धुळ्यात निषेध आंदोलन | Sakal
sakal

बोलून बातमी शोधा

OBC Reservation : भाजप ओबीसी मोर्चातर्फे धुळ्यात निषेध आंदोलन

OBC Reservation : भाजप ओबीसी मोर्चातर्फे धुळ्यात निषेध आंदोलन

धुळे : ओबीसी आरक्षणप्रश्‍नी (OBC Reservation) राज्यातील महाविकास आघाडी सरकार गेली अडीच वर्ष कुंभर्णाप्रमाणे झोपेचे सोंग घेऊन ओबीसी समाजाच्या राजकीय आरक्षणाचा गळा घोटत आहे असा आरोप करत भाजप ओबीसी मोर्चाने गुरुवारी येथे महाविकास आघाडी सरकारचा (Mahavikas Aghadi Govt) निषेध केला.

विरोधी पक्षनेते देवेंद्र फडणवीस (Devendra Fadnvis) गेल्या दोन वर्षापासून वेळोवेळी ट्रिपल टेस्ट करा असे सांगत आहेत. मात्र आघाडी सरकार १७ नंबरचा फॉर्म भरून पास झाल्याप्रमाणे वागत आहे. सतत केंद्र सरकारकडे बोट दाखवत आहे. ओबीसी आरक्षणासाठी निरगुडे आयोग नेमला. आयोगाला ४५३ कोटी रुपये फक्त जाहीर केले. मात्र, आयोगाला दमडीही न दिल्यामुळे आयोगाने सरकारी दप्तरातला डेटा अर्धवट व विनास्वाक्षरी पुढे पाठवून दिला. यातून एकप्रकारे ओबीसी समाजाबाबत अनास्था दाखवल्याचे भाजप ओबीसी आघाडीने म्हटले आहे. मध्य प्रदेश सरकारने पूर्णपणे लक्ष देऊन इम्पेरिकल डेटा व ट्रिपल टेस्ट पूर्ण करून ओबीसी समाजाचे राजकीय आरक्षण मिळवले. मात्र त्यानंतरही भाजपशासित राज्य असल्यामुळे मध्य प्रदेशला ते मिळाल्याची आरोळी ठोकली जात आहे. ‘नाचता येईना, अंगण वाकडे’ अशी राज्य सरकारची गत असल्याची टीका करत भाजप ओबीसी मोर्चाने राज्य सरकारचा निषेध केला. या आंदोलनात भाजपचे राजवर्धन कदमबांडे, भाजप ओबीसी मोर्चाचे प्रदेश उपाध्यक्ष हिरामण गवळी, जिल्हाध्यक्ष दिनेश बागूल, युवराज पाटील, भारती माळी, प्रतिभा चौधरी, विक्की परदेशी, प्रा. सागर चौधरी यांच्यासह इतर पदाधिकारी, कार्यकर्त्यांचा यात सहभाग होता.

हेही वाचा: तो वेडा आहे सांगणाऱ्या पोलिसांनाच बनवले ‘मामू’; कैद्याने काढला पळ

हेही वाचा: मित्राच्या मदतीने ST कर्मचाऱ्यानेच केली डिझेलची चोरी!

Web Title: Protest Agitation By Bjp Obc Morcha In Dhule For Obc Reservation

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..