धुळे : श्रीराम नवमीनिमित्त (Ram Navami 2023) शहरातील आग्रा रोडवरील प्राचीन श्रीराम मंदिरात रंगरंगोटी करण्यात आली.
मंदिरात श्रीराम नवमीनिमित्त गुरुवारी (ता. ३०) विविध धार्मिक अनुष्ठाने होणार आहेत. (ram navami 2023 ancient Shri Ram Temple on Agra Road was painted dhule news)
श्रीराम नवमीनिमित्त शहरासह जिल्ह्यात विविध कार्यक्रम होत आहेत. ठिकठिकाणच्या राममंदिरांची रंगरंगोटी करत गुरुवारी विविध कार्यक्रमांचे नियोजन केले जात आहे. शहरातील आग्रा रोडवर सुमारे दोनशे वर्षांपूर्वी श्रीराम मंदिर उभारण्यात आले आहे.
रंगरंगोटीमुळे मंदिराला नवीन झळाळी प्राप्त झाली आहे. भाजपचे शहर-जिल्हाध्यक्ष अनुप अग्रवाल आणि भाजपच्या बेटी बचाव, बेटी पढावच्या जिल्हाध्यक्षा अल्पा अग्रवाल या दांपत्याकडून शहरात गुरुवारी महिलांसाठी बाइक रॅली काढली जात आहे.
हेही वाचा : जीएसटीसाठी नोंदणी केलीच नाही तर??
पारंपरिक आणि सांस्कृतिक वेशभूषेत सहभागी महिलांना बक्षिसे आणि प्रशस्तिपत्र दिले जाईल. ही बाइक रॅली सकाळी नऊला श्री संतोषीमाता मंदिर चौकातून सुरू होईल. विविध मार्गे महापालिकेच्या जुनी इमारतीजवळ समारोप होईल.
कुसुंब्यात कार्यक्रम
कुसुंबा (ता. धुळे) येथे श्रीराम मंदिर न्यास संस्थानतर्फे गुरुवारी सकाळी नऊला श्रीराम जन्मोत्सव साजरा होईल. भूषण महाराज आंबा-पिंप्रीकर यांचे कीर्तन होईल. भाविकांना महाप्रसादाचे वाटप होईल. उपस्थितीचे आवाहन ट्रस्टचे अध्यक्ष दिलीप पवार यांनी केले.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.