बोरद- तळोद्यातील सिद्धेश्वर महादेव मंदिर हे परिसरातील अतिप्राचीन मंदिरांपैकी एक असून, तीनशे वर्षांपासूनचा इतिहास असल्याचे सांगितले जाते. आज (ता. २६) महाशिवरात्रीनिमित्त भाविकांच्या दर्शनासाठी रांगा लागणार आहे..मंदिर अहिल्याबाई होळकर यांच्या कारकिर्दीत बांधण्यात आले असून, महादेवाच्या दर्शनाने भक्तांच्या मनोकामना पूर्ण होतात, अशी श्रद्धा आहे. म्हणून या मंदिराला सिद्धेश्वर महादेव मंदिर नाव पडले. महादेवाच्या दर्शनाने भाविकांची संकटे, मनोकामना पूर्ण होतात. म्हणून बाराही महिने मंदिरात गर्दी होत असते. तळोदा शहर व तालुक्यात महादेवाची अनेक मंदिरे आहेत. शहरात चिंतेश्वर, पाताळेश्वर, सिद्धेश्वर व काकेश्वर अशी भगवान महादेवाची प्रसिद्ध मंदिरे आहेत. परंतु, सिद्धेश्वर महादेव मंदिर हे शहर व परिसरातील सर्वात जास्त प्रसिद्ध मंदिरांपैकी एक आहे. .मंदिर वाणी गल्लीतील विसालाड पंच वाडीजवळ स्थित आहे. मंदिर परिसराची एकूण लांबी सुमारे ३७ फूट, रुंदी १९ फूट व उंची २५ फूट इतकी आहे. सिद्धेश्वर महादेव मंदिरात भगवान दत्त व गणपती सीबतच लक्ष्मी मातेची व नंदीची मूर्ती आहे. दत्त व गणपती या दोन्ही मूर्तीची लांबी सात इंच, रुंदी १३ इंच आणि उंची दिड फूट इतकी आहे. तसेच लक्ष्मीमातेच्या मूर्तीची लांबी देखील सात इंच, रुंदी १३ इंच आहे तर उंची एक फूट इतकी आहे. .नंदीच्या मूर्तीची लांबी तीन फूट, रुंदी दिड फूट आणि उंची दिड फूट इतकी आहे. दरम्यान मंदिरातील गणपती, दत्त व लक्ष्मीच्या मूर्ती संगमेश्वरच्या पाषणात कोरलेल्या आहेत. नंदी मंदिर परिसराचा एका भागात पश्चिमेस तोंड करुन एका चौरसावर बसलेला आहे. नंदी हा दगडात कोरलेला आहे. मुख्य मंदिराच्या गाभाऱ्यात मध्यभागी शिवलिंग असून, शिवलिंगचा प्रवाह हा उत्तरेस आहे..उंडा/उंड्या नावाने महादेव प्रसिद्ध सिद्धेश्वर महादेव मंदिर शहर व आसपासच्या परिसरात उंडा/उंड्या महादेव म्हणून प्रसिद्ध आहे. कारण, मंदिर जमिनीपासून पाच ते सात फूट खाली आहे. त्यामुळे मंदिरातील सर्व मूर्तीही जमिनीपासून काही फूट खाली आहेत आणि स्थानिक भाषेत त्याला उंड म्हणतात. म्हणून मंदिराचे प्रचलित नाव उंडा/उंड्या महादेव झाले आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
