जामनेर- शहरातील वाकी रस्त्याजवळील जुनी जीर्णावस्थेत असलेली पंचायत समितीची इमारत पाडण्याचे काम सुरू असताना, अचानक बांधकामाचा ढिगारा अंगावर पडल्याने सात ते आठ मजूर दाबले गेले. मात्र, सर्वांना सुखरूपपणे बाहेर काढण्यात यश आले. .त्यातील दोन मजूर गंभीर जखमी झाले असून, पाच कामगारांना किरकोळ दुखापत झाली. ही घटना शुक्रवारी (ता. २१) सायंकाळी पाचच्या सुमारास घडली. सुजितकुमार विश्वकर्मा (वय २५), विकास विश्वकर्मा (२५), अभिषेक विश्वकर्मा (१६, सर्व रा. उत्तर प्रदेश), भोजू चरणदास तंवर (५०), गोपीचंद तंवर, प्रतीक तंवर (तिघे रा. डोहरीतांडा), जगदीश राठोड (रा. नागणचौकी) मजूर जखमी झाले..पाडकामावेळी ढिगाऱ्याखाली खोलवर दबल्या गेल्याने ‘जेसीबी’ आणि नागरिकांच्या मदतीने सुमारे दोन-अडीच तासांच्या शोध मोहिमेनंतर मजुरांना सुखरूप बाहेर काढण्यात आले. भोजू तंवर व सुजितकुमार विश्वकर्मा या दोघांना सुरुवातीला जामनेर उपजिल्हा रुग्णालयात, यानंतर जळगावला हलविले आहे..पंचायत समितीच्या जुन्या इमारतीत पशुवैद्यकीय दवाखाना सुरू होता. आता पुन्हा त्याच जागेवर नव्याने पशुवैद्यकीय दवाखाना बांधण्यात येणार आहे. त्यासाठी राज्य शासनाने तीन कोटी ८० लाखांच्या निधीला मंजुरी दिली आहे. त्यामुळे जुनी इमारत पाडण्याचे काम सुरू होते..घटनास्थळी मदतीसाठी धावघटनेची माहिती मिळताच तहसीलदार नानासाहेब आगळे, पोलिस निरीक्षक मुरलीधर कासार, गटविकास अधिकारी श्रीकृष्ण इंगळे, पोलिस कर्मचारी, नगरपालिका कर्मचारी, शिक्षण संस्थेचे सचिव जितेंद्र पाटील, भाजप तालुकाध्यक्ष चंद्रकांत बाविस्कर, उपनगराध्यक्ष महेंद्र बाविस्कर, गटनेते डॉ. प्रशांत भोंडे व इतर पक्षाचे पदाधिकारी व सामाजिक कार्यकर्ते घटनास्थळी धावून मदत कार्य सुरू झाले..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
