कोरोनामुळे महागला सावजी ठसका, ही आहेत कारणे...

नागपूर : कोरोनामुळे खासगी नोकदारांना नोकरीची चिंता तर व्यावसायिकांना व्यवहार सुरळीत होण्याची चिंता सतावत आहे. महिलावर्गासह शहरातील सावजी खाद्यपदार्थ विक्रेत्यांना एका वेगळ्याच समस्येला सामोरे जावे लागत आहे. बाजारात खडा मसाल्यांच्या किमतीत 15 ते 20 टक्‍क्‍यांनी वाढ झाल्याने विदर्भातील सावजी ठसकाही महागणार आहे.

लॉकडाउनपूर्वीच्या मसाल्यांच्या किमती व सध्याच्या किमतीमध्ये तब्बल 15 ते 20 टक्‍क्‍यांचा फरक आहे. हिंग, तेजपान, जायफळ वगळता सर्वच मसाल्यांच्या किमती वाढल्या आहेत. राज्यात दक्षिणेतील केरळ, कर्नाटक, काही प्रमाणात तमिळनाडूमधून मसाल्यांचा पुरवठा होतो. लॉकडाउन लागल्यानंतर काही दिवस वाहतूक बंद असल्याने मसाल्यांचा पुरवठा अत्यंत कमी झाल्याचा दावा व्यापाऱ्यांनी केला आहे.

दरम्यान खसखस, हिंग, तेजपान, जायफळ, वेलदोडे, लवंग यांच्या किमतीत मात्र वाढ झाली नसल्याने गृहिणींना दिलासा आहे. यात वेलदोड्याचे दर पूर्वी 4 हजार रुपये प्रतिकिलो होते ते आता 3500 रुपये झाले आहेत.

सासूने हात पकडले, सासऱ्याने अंगावर रॉकेल शिंपडले, पती गळ्यावर वार करणार तोच...

वाहतूक बंदीचा फटका
लॉकडाऊनमध्ये काही दिवस वाहतूक बंद असल्याने मसाल्यांचा तुटवडा शहरात जाणवला. या कालावधीत मसाल्याचे दरदेखील वाढले असून, वाहतूक सुरू झाल्यानंतर काही दर कमी झाले. मात्र, अनेक मसाल्यांचे दर अजूनही वाढलेले आहे.
रामकृष्ण मयंकर, किराणा विक्रेते