Video : नागपूरचा हा नजारा तुम्ही कधीच पाहिला नसेल! 

नागपूर : संपूर्ण देशात नागपूर शहराची अनन्यसाधारण ओळख आहे. महाराष्ट्राची उपराजधानी असलेले नागपूर शहर झिरो माईल, दीक्षाभूमी, रा. स्व. संघाचे मुख्यालय अशा अनेकविध गोष्टींसाठी प्रसिद्ध आहे. या शहराचे अनेक रूप आपण बघितले असतील मात्र सध्या पुढे आलेले नागपूरचे रुप पाहून तुम्ही नक्की या शहराच्या प्रेमात पडाल, यात शंका नाही. 

कोरोना व्हायरसच्या प्रादुर्भावामुळे संपूर्ण देश लॉकडाउन करण्यात आला आहे. यामुळे देशातील सर्वच शहरे ठप्प झाली आहेत. रस्ते निर्मनुष्य झाले आहेत. त्यामुळे शहरांचे कधी नव्हे असे रूप बघायला मिळत आहे. अशातच नागपूरच्या एका छायाचित्रकाराला हे संपूर्ण सौंदर्य कॅमेराबद्ध करण्याची कल्पना सुचली. त्यामुळे त्याने ड्रोनच्या सहाय्याने नागपूर शहराचे रात्रीचे चित्र कलात्मकतेने टिपले. ड्रोनचे तंत्रज्ञान वापरून तब्बल 46 शॉट्‌सचे कॉम्बिनेशन करून रिषभ ढोमणे या छायाचित्रकाराने हे सुंदर पॅनॉरॉमिक चित्र काढले. या चित्रामुळे सध्या सोशल मिडियावर त्याच्यावर कौतुकाचा वर्षाव होत आहे.