नागपूर : भरधाव कार ट्रकला ओव्हरटेक करण्याचा प्रयत्नात दुभाजकाला धडकली. या विचित्र अपघातात कारचालक जागीच ठार झाला तर दोन जण गंभीर जखमी झाले. हा अपघात रविवारी रात्री नऊ वाजताच्या सुमारास घडला. संदीप बोराटे (५०, रा. मनीषनगर) असे मृताचे नाव आहे. गुणवंत भाकरे (रा. विठ्ठलनगर) आणि मुलगा तीर्थराज अशी जखमींची नावे आहेत.
सूत्रांनी दिलेल्या माहितीनुसार, छत्रपती चौकाकडून एक स्विफ्ट कार जवळपास १४० ते १५० किमी वेगाने शताब्दी चौकाकडे जात होती. समोर असलेल्या ट्रकला ओव्हरटेक करून पुढे जाण्याचा प्रयत्नात कारचालक होता. चालकाने पुढे जाण्यासाठी कारचा वेग वाढवला. अंतर कमी असल्यामुळे कार ट्रकच्या मागच्या बाजूला धडकली. त्यानंतर कार वेगाने दुभाजकावर आदळली.
कार दुभाजकावरून उडून तीनवेळा पलटी झाली. त्यामुळे रस्त्यावर सायकलने जात असलेले बापलेक गुणवंत आणि तीर्थराज यांच्या अंगावर कार पडल्यामुळे जखमी झाले. या अपघातात कारचालक जागीच ठार झाला. तर बापलेक गंभीर जखमी झाले. अपघाताची माहिती मिळताच अजनी पोलिस घटनास्थळावर पोहोचले. जखमींना रुग्णालयात दाखल करण्यात आले.
भरधाव कारने दुचाकीला जबर धडक दिली. या अपघातात दुचाकीचालक ठार झाला तर मागे बसलेला मित्र गंभीर जखमी झाला. दिनेश रामराव दाभाडे (४८, रा. दिघोरी) असे मृताचे तर रूपचंद्र डोंगरे असे जखमीचे नाव आहे. आज सकाळी सहा वाजता ते दोघेही दुचाकीने नरेंद्रनगराकडून छत्रपती चौकाकडे जात असताना मागून भरधाव आलेल्या कारने दुचाकीला धडक दिली. यामध्ये दिनेश यांचा मृत्यू झाला.
संपादन - नीलेश डाखोरे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.