हृदयात झाले धस्स! ‘अहो, मी फक्त भेट देऊन गेलो', तरी... वाचा निष्काळजीपणाचा कळस

नागपूर : कोरोना आणीबाणीच्या काळात माणसातील माणुसकी हिरावली आहे. कोरोना झालेल्या व्यक्तीला अस्पृश्यासारख्या वेदना सहन कराव्या लागत आहेत. दुसरीकडे कोरोनाच्या नावाखाली अनेकांनी आपला व्यवसाय सुरू केला आहे. खासगी रुग्णालयांनी कोरोना नसतानाही रुग्णांना आपन कोरोनाबाघित असल्याचे दाखवायला सुरुवात केली आहे. यामुळे अनेकांना रुग्णालयात जायलासुद्घा भीती वाटते. असाच एक प्रकार समोर आला आहे.

वानाडोंगरी येथील तपासणी केंद्रात एक व्यावसायिक गेला. या व्यवसायिकाला काही प्रमाणात कोरोनासदृश्य लक्षणे होती. यामुळे तपासणीसाठी सकाळी-सकाळी केंद्रात गेला होता. मात्र, येथील डॉक्टरांनी ‘दुपारी दोन वाजता या, तुमचे नमुने घेण्यात येतील', असे सांगितले. यामुळे हा व्यवसायिक घरी परतला. यावेळी त्याने नावाची नोंद केली होती. हा व्यावसायिक दुपारी काही महत्त्वाचे काम असल्याने तपासणीसाठी पोहोचला नाही.

उघडून तर बघा - नात्यातीलच युवतीशी ठेवले शारीरिक संबंध, नंतर दिला लग्नास नकार...

मात्र, वानाडोंगरी येथील अधिकाऱ्यांनी सायंकाळी पाच वाजता त्यांना केंद्रातून फोन केला. हॅलो... मी वानाडोंगरी तपासणी केंद्रातून बोलयोय... तुमचा अहवाल कोरोना पॉझिटिव्ह आला आहे... हे शब्द कानावर पडताच समोरची व्यक्ती धास्तावली. परंतु, स्वतःला सावरत म्हणाला, ‘अहो, मी फक्त वानाडोंगरी तपासणी केंद्रात आलो. तुम्ही तपासणीच केली नाही. दुपारी बोलावलं... मला कसा कोरोना होईल...' असा प्रतीप्रश्न केला. काही वेळानंतर झालेली चूक सुधारण्यात आली.

सदस्यांसह गाठले केंद्र

कोरोना असल्याचा संदेश मोबाईवर मिळताच या व्यावसायिक व्यक्तीने स्वतःला सावरले. तातडीने ग्रामपंचायत सदस्यांशी संपर्क साधून केंद्र गाठले. केंद्रात पोहोचल्यानंतर तपासणी न करता कोरोना कसा होऊ शकतो, असा सवाल केला. तसेच कोरोनाचा अहवाल द्या अशी विचारण केल्यानंतर चूक लक्षात आली. अधिकाऱ्यांनी ही चूक दुरुस्त केली.

क्या बात है! - अखेर तिने घातलीच आकाशाला गवसणी! ‘टार्गेटेड’अभ्यासावर भर दिल्याने यूपीएससी ‘क्रॅक’

सल्ला देत निघूग गेले सदस्य

कोरोना केंद्रावरील कर्मचाऱ्याने मोबाईलवर संपर्क साधत ‘तुमचा कोरोना चाचणी अहवाल पॉझिटिव्ह आला आहे' असे सांगितले. यामुळे या व्यक्तीच्या हृदयात धस्स झाले. आता तुम्हीच सांगा, तपासणी न करता बिच्चाऱ्या त्या व्यक्तीला केवळ तपासणी केंद्राला भेट दिल्यामुळे कोरोनाबाधित बनवले. असा घोळ कोणाच्या जीवावर बेतू शकते. यामुळे काळजी घ्यावी, असा सल्ला अधिकाऱ्यांना देत सदस्य निघून गेले.

संपादन - नीलेश डाखोरे