नागपूर, ः कोरोना एकांतवासाने आलेली निराशा दूर करून देवभक्ती आणि देशभक्तीच्या जागराने आपले घर-आंगण भारून जावे यासाठी महापौर संदीप जोशी यांच्या संकल्पनेतून नागपूर महापालिका आणि संस्कार भारतीच्या सहकार्याने "महापौर चषक डिजिटल पारिवारिक समूह गीतगायन स्पर्धा' आयोजित करण्यात आली आहे.
स्पर्धेचे वैशिष्ट्य म्हणजे, यात सहभागी होण्यासाठी आपण गायकच असावे, असे बंधन नाही. ही स्पर्धाच मुळात प्रत्येक कुटुंबासाठी असून कुटुंबातील कमीत कमी दोन आणि जास्तीत जास्त आठ व्यक्ती सहभागी होऊ शकतील. पालिकाक्षेत्रात वास्तव्य करणाऱ्या कुटुंबासाठीच ही स्पर्धा आहे. स्पर्धेमध्ये भक्तिगीत, सिनेगीत अथवा देशभक्ती गीत गाता येईल. एका कुटुंबाला तीन वर्गवारीपैकी कुठल्याही दोन वर्गवारीमध्ये सहभागी होता येईल. मात्र, त्यासाठी वेगवेगळे प्रवेश अर्ज दाखल करावे लागतील. ही स्पर्धा पूर्णपणे डिजिटल माध्यमातून ऑनलाइन पद्धतीने होणार आहे. यासाठी कुटुंबातील एका व्यक्तीने ऑनलाइन पद्धतीने असलेला प्रवेश अर्ज भरायचा आहे. अर्जात स्पर्धेत सहभागी होण्यासाठी तयार केलेला व्हिडिओ जोडायचा आहे. स्पर्धेत कुटुंबातील कमीत कमी दोन आणि जास्तीत जास्त आठ सदस्य सहभागी होऊ शकतील. गीते ही हिंदी अथवा मराठी भाषेतील असावी. गायलेले गीत समूहगीतच असावे. समूहगान करताना ऑडिओट्रॅक बॅकग्राउंड म्युझिकचा वापर करता येईल. गीतांची निवड, त्यातील सकारात्मक संदेश, एकूण सादरीकरण, वेशभूषा या बाबींचा परिक्षणादरम्यान विचार करण्यात येईल. स्पर्धेत सहभागी होण्यासाठी प्रवेश अर्जासह व्हिडिओ पाठविण्याची अंतिम तारीख 15 मे आहे. तीनही गटांतील विजेत्या पारिवारिक चमूंना प्रथम महापौर चषक व रु. 21 हजार, द्वितीय 15 हजार, तृतीय 11 हजार रोख तसेच रु. एक हजाराचे पाच प्रोत्साहन पुरस्कार प्रमाणपत्रासह मनपाच्या वतीने देण्यात येतील.
प्रवेशासाठी आणि व्हिडिओ अपलोड करण्यासाठी नागपूर महानगरपालिका आणि संस्कार भारतीच्या वतीने गुगल फॉर्म उपलब्ध करून देण्यात आला आहे. https://forms.gle/nRVcxPgUJ21tibky8 या लिंकवर गुगल फॉर्म उपलब्ध आहे. मनपाचे अधिकृत फेसबुक पेज, अधिकृत ट्विटर हॅण्डल आणि इंस्टाग्रामवर लिंक उपलब्ध राहील. याव्यतिरिक्त 9594892108, 9422159957, 9823724326 या क्रमांकावर आपण मॅसेज केल्यास लिंक उपलब्ध करून देण्यात येईल.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.