शिवसेनेसाठी खंडणी नवीन नाही; आघाडीच्या काळात अवैध धंदे वाढले; फडणवीसांची टीका 

नागपूर ः मुंबईत शिवसैनिक खंडणी मागतात हे आरोप काही नवीन नसून महाघाडीचे सरकार स्थापन झाले तेव्हापासून आवैध गुटखा, मटका आणि मद्य विक्री राज्यभरात जोरात सुरू असल्याचे माजी मुख्यमंत्री तसेच विरोधीपक्षनेते देवेंद्र फडणवीस यांनी सांगितले.

हेही वाचा -  'आई या जगात नाही आता जागून काय करू?'  नैराश्यातून युवकानं संपवली जीवनयात्रा; अख्ख्या...

फडणवीस नागपूरध्ये आले असताना त्यांनी प्रसिद्धी माध्यमांशी संवाद साधला. मनसेचे नेते यांनी बोगस पावत्या दाखवून मुंबई महापालिकेत शिवसेच्यावतीने खंडणी वसूल केली जात असल्याचा आरोप केला होता. याबाबत विचारणा केली असता फडणवीस यांनी मनसेने काय आरोप केले आपल्या ठाऊक नसले तरी खंडणीखोरी शिवसेनेसाठी नवी नसल्याचा टोला हाणला. 

गृहमंत्री अनिल देशमुख यांचे पुतणे तसेच माजी आमदार आशिष देशमुख यांनी काटोल-नरखेडमध्ये सर्रासपणे सुरू असलेल्या मटका, जुगाराच्या आरोपावर फडणवीस यांनी हा प्रकार राज्यभर सुरू असल्याचे सांगितले.

हेही वाचा - एका दणक्यात अख्खा दरवाजा तोडणारा 'दया' आता देणार वाहतूक नियम पाळण्याचा...

कोरानाच्या काळात वीज भरले नसलेल्या राज्यातील ७८ लाख ग्राहकांना वीज कनेक्सन तोडण्याच्या महावितरण विभागाने नोटीस पाठवल्या आहेत. याविरोधात भाजपच्यावतीने सातत्याने आंदोलन केले जात आहे. वीज बिल माफ होत नाही तोवर आमचे आंदोलन सुरू राहील,असेही फडणवीस यांनी सांगितले.

संपादन - अथर्व महांकाळ