ब्रेकिंग ग्रामीण : झेड.पी.सीईओकडून मिळालेल्या "फेक' बातमीने उडाली खळबळ, काय होती बातमी...

हिंगणा (जि.नागपूर) : शहानिशा न करता जिल्हा परिषदेचे मुख्य कार्यकारी अधिकारी योगेश कुंभेजकर यांना कुणीतरी "स्क्रीन शार्ट' काढून माहिती दिली. हिंगणा तालुक्‍यात खळबळ उडाली व प्रशासन कामाला लागले. सगळया धावपळीनंतर ही माहिती "फेक' असल्याचे सिद्‌ध झाल्यावर शेवटी प्रशासनाने सुटकेचा श्‍वास घेतला.

अधिक वाचा :   कोरोनासे नही क्‍वारंटाईनसे डर लगता है साहाब, काय आहे कारण...

तालुका प्रशासन हादरले
15 जुलै रोजी हिंगणा तालुक्‍यातून कोरोना संशयित रुग्णांचे नमुने तपासणीसाठी आयजीएमसीला पाठवण्यात आले होते. 16 जुलै रोजी सकाळी दहा वाजताच्या दरम्यान जिल्हा परिषद मुख्य कार्यकारी अधिकारी योगेश कुंभेजकर यांनी "स्क्रीन शॉर्ट' च्या माहितीच्या आधारे हिंगणा तालुक्‍यात 22कोरोना पॉझिटिव्ह रुग्ण आढळून आल्याची माहिती दिली. त्यामुळे तालुक्‍यातील यंत्रणा कामाला लागली. तालुका कोविड समितीचे सचिव जे.के.राव, तालुका वैद्यकीय अधिकारी डॉ.प्रवीण पडवे, तहसीलदार संतोष खांडरे, वैद्यकीय अधीक्षक डॉ.रवीकांत घोडेराव, ग्रामसेवक, तलाठी, आशावर्कर व वैद्यकीय चमू तयार करण्यात आल्या. मोंढा, हिंगणा धनगरपुरा, अमरनगर या ठिकाणी रूग्ण आढळले, अशी माहिती दिली.

अधिक वाचा :"हे' गवत आहे भयंकर विषारी, मात्र मोवाडवासींची ठरली डोकेदुखी...

एका जवाबदार अधिका-याची कृती
त्यानंतर काही भाग सील करण्यात आला. त्यानंतर आयजीएमसीमधील नमुने तपासलेच नसल्याची माहिती मिळाली. त्यानंतरच तालुक्‍यातील अधिकाऱ्यांनी सुटकेचा निःश्वास सोडला. जि.प.मुख्याधिका-यांनी पाठवलेली माहिती "फेक' असल्याची माहिती मिळाली. एका जबाबदार अधिकाऱ्यांनी ही कृती केल्यामुळे तालुका प्रशासन संपूर्णरित्या वेठीस धरल्या गेले, एवढे मात्र निश्‍चित.

संपादन : विजयकुमार राऊत