नागपूर : कोरोनाबाधितांना देण्यात येत असलेल्या फेविपिरावीर या प्रभावी औषधाचा मेयो, मेडिकलमध्ये तुटवडा निर्माण झाल्याने बाधितांच्या नातेवाईकांच्या हाती या औषधाचे प्रीस्क्रिप्शन देण्यात येत असल्याची धक्कादायक माहिती पुढे आली आहे.
फेविपिरवीरच्या क्लिनिकल चाचण्यानंतर हे औषध रुग्णांना देण्यात येत होते. या औषधाचा सकारात्मक परिणाम दिसून येत असल्याने वापर वाढला होता. कोरोनाबाधित या औषधामुळे ठणठणीत होत होते. यामुळेच मागील वर्षभरात मेडिकलमध्ये ५ लाखांपेक्षा अधिक फेविपिरावीर गोळ्या वितरित करण्यात आल्या होत्या. या औषधाची चाचणी यशस्वी ठरल्यानंतर कोरोनाच्या उपचारासाठी हे औषध उपलब्ध करुन देण्यात आले. फेविपिरवीरला एक सुरक्षित औषध असल्याचा निष्कर्ष निघाल्यानंतर सर्वत्र या औषधाचा वापर सुरू झाला. मेडिकल, मेयोसह महापालिकेच्या रुग्णालयातही याचा वापर होऊ लागला. मेडिकलमध्ये आतापर्यंत सुमारे १० हजार रुग्णांवर उपचार करण्यात आले. यातील ८ हजारावर रुग्णांवर योग्य उपचार झाले. ते ठणठणीत झाले. यातील अनेक रुग्णांवर पोस्ट कोविड सेंटरमध्येही उपचार सुरू आहेत. विशेष असे की, यापैकी ९० टक्के रुग्णांना फेविपिरावीर देण्यात आले होते. मात्र, गुरुवारी फेविपिरावीर औषधाचा साठा संपल्याची माहिती आहे. या औषधाचा पुरवठा करण्यासाठी आदेश देण्यात आला आहे. परंतु, सायंकाळपर्यंत औषध आले नसल्याची माहिती सूत्रांनी दिली. एका रुग्णाच्या नातेवाईकांनी ही तक्रार केल्यानंतर मेयोचे अधिष्ठाता तसेच मेडिकलमधील संबधित अधिकाऱ्यांकडून माहिती घेतली.
महापालिकेने केले बंद -
महापालिकेच्या विविध बाह्यरुग्ण विभागात येणाऱ्या कोरोनाबाधितांना आधी फेविपिरावीर देण्यात येत होते. मात्र, महापालिकेकडून रुग्णांना आता हे औषध दिले जात नाही. रुग्णांना घरी औषध पोहोवचण्यात येत असल्याचा गाजावाजा पालिकेतर्फे करण्यात येत असला तरीही प्रत्यक्षात साधी व्हिटॅमिनची गोळीही महापालिकेकडून मिळत नसल्याची अनेक बाधितांची तक्रार आहे.
फेविपिरावीर संपले असल्याची माहिती अद्याप कानावर आली नाही. कालपर्यत फेविपिरावीर होते. संपले असल्यास तातडीने आर्डर देण्यात येईल. कोरोना रुग्णांना औषध कपी पडणार नाही, याची काळजी घेण्यात येत आहे.
-डॉ. अजय केवलिया, अधिष्ठाता, मेयो.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.