नागपूर : राज्यात विचिध जिल्ह्यांमध्ये निरनिराळ्या ठिकाणी आगीच्या घटना वाढतच चालल्या आहेत. काही दिवसांपूर्वी मुंबईतील मॉलमधील कोविड सेंटरला लागलेली आग असो की पुण्याच्या फॅशन स्ट्रीटला लागलेली आग यामुळे नागरिकांचं प्रचंड नुकसान झालंय. त्यातच आज अशीच एक आगीची घटना नागपुरातून समोर येतेय.
नागपूरच्या श्रीकृष्ण नगरातील आदर्श संस्कार शाळेजवळ असलेल्या डेकोरेशनच्या गोदामाला भीषण आग लागल्याची घटना घडली आहे. या आगीत गोदामातील मंडप डेकोरेशनचं संपूर्ण साहित्य जळून खाक झालंय. आज सकाळी सडे नऊच्या सुमारास ही घटना घडली.
घटनेची माहिती मिळताच अग्निशमन दलाच्या दोन गाड्या घटनास्थळी दाखल झाल्या. शर्थीचे प्रयत्न करून काही वेळानंतर आगीवर नियंत्रण मिळवण्यात अग्निशमन दलाच्या जवानांना यश आलं. मात्र तोपर्यंत संपूर्ण साहित्य जळून खाक झालं होतं.
३ घोडेही होते गोदामात
गोदामाला आग लागली त्यावेळी गोदामात तीन घोडे बांधलेले होते. त्यासाठी गोदमाची भिंत तोडून त्यांना बाहेर काढण्यात आले. यात एक घोडा जखमी झाल्याची माहिती मिळतेय. सुदैवानं या आगीत कुठल्याही प्रकारची जीवितहानी झाली नाही.
संपादन - अथर्व महांकाळ
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.