मित्रासोबत जात होती देवदर्शनाला, रस्त्यात घडले अघटीत...

कुही (जि.नागपूर): ती जात होती मित्रासोबत देवदर्शनाला. पाळतीवर असलेल्या त्या पाच नराधमांनी त्यांची दुुचाकीवर अडविली व तरुणीवर पाचही आरोपींनी सामूहिक अत्याचार केल्याची धक्कादायक घटना स्थानिक पोलिस ठाण्याच्या हद्दीत येणाऱ्या नवेगाव येथील जंगल परिसरात घडली. याप्रकरणी पोलिसांनी पाच आरोपींना अटक केली आहे.

क्‍लिक करा :  ताई, भाजीपोळी देता का?

दुचाकी पडली बंद आणि त्यांनी साधली संधी
आकाश गुलाब लेंडे (26, वॉर्ड9), सुनील ऊर्फ सुमित यशवंत गवळी (27,कुही), सूरज बंडू मने (22, कुही), चंद्रशेखर रवींद्र कडव (19), पंकज विलास कुथे (22,कुही) अशी अटक करण्यात आलेल्या आरोपींची नावे आहेत. नागपूर येथील 19 वर्षीय तरुणी तिच्या मित्रासोबत खैरी येथे देवदर्शनाला दुचाकीवरून जात होती. नवेगाव येथील जंगल परिसरात युवतीची दुचाकी बंद पडली. ती सुरू करण्याचा प्रयत्न करीत होती. दरम्यान, त्या ठिकाणी पाच अनोळखी व्यक्‍ती आल्या. त्यांनी तरुणीचा मित्र व तरुणीचा मोबाईल हिसकावून घेतला. मित्राला काही आरोपींनी पकडून ठेवले व काहींनी पीडितेला बाजूला घेऊन गेले. तेथे तिच्यावर अमानुषपणे अत्याचार करण्यात आला. त्यानंतर पीडित व पीडितेच्या मित्राला कुही बसस्थानकावर सोडून आरोपी फरार झाले.

क्‍लिक करा : सुंदर बिस्किटला बसला दंड, हे आहे कारण...

घटनेचा व्हिडिओ केला शुट
आरोपी अत्याचारापर्यंतच थांबले नाहीत, तर या त्यांनी अत्याचाराचा व्हिडिओसुद्धा शुट केला. घटना कुणाला सांगितल्यास बदनामीची धमकी देत आरोपींनी पीडितेला अत्याचाराचे फोटो व व्हिडिओ व्हायरल करण्याची धमकीही दिली.

क्‍लिक करा : रशियावरून आला नि थेट पकडली ट्रेन, नागपूर येताच झाले असे...

बारा तासांच्या आत आरोपी जेरबंद
तरुणीने कुही पोलिस ठाणे गाठून तक्रार नोंदविली. तोच पोलिस अधीक्षक व अपर पोलिस अधीक्षक यांच्या मार्गदर्शनात नागपूर ग्रामीणच्या स्थानिक गुन्हे शाखेच्या पथकाने तपास चक्रे फिरविली व आरोपींचा मोबाईल क्रमांक ट्रेस करून पाचही आरोपींना अवघ्या 12 तासांच्या आता जेरबंद केले. ही कारवाई नागपूर ग्रामीण स्थानिक गुन्हे शाखा पथकाचे पोलिस निरीक्षक अनिल जिट्टवार, सहायक पोलिस निरीक्षक जितेंद्र वैरागडे, पोलिस उपनिरीक्षक गौरखेडे, हेडकॉन्स्टेबल संतोष पंधरे, रमेश भोयर, गजेंद्र
चौधरी, मदन आसतकर, महेश जाधव, पोलिस नाईक रामा आडे, पोलिस शिपाई साखरे, राधेश्‍याम कांबळे, सायबर सेलचे पोलिस शिपाई सतीश राठोड, चालक भाऊराव खंडाते व अमोल कुथे यांनी पार पाडली.