मध्यप्रदेशात काँग्रेसचा केदार यांच्या रणनीतीवर भरवसा

राजेश प्रायकर
Sunday, 4 October 2020

केदार यांचे राजकीय कौशल्य जवळून बघणारे माजी केंद्रीयमंत्री कमलनाथ यांनी या आठही मतदार संघात विजयासाठी सुनील केदार यांची समन्वयक म्हणून नियुक्ती केली. यातील ग्वालियर क्षेत्रात नुकताच भाजपमध्ये प्रवेश घेणारे ज्योतिरादित्य सिंधिया यांचे वर्चस्व आहे. त्यामुळे केदार आता ग्वालियरमध्ये ज्योतिरादित्य सिंधिया यांना आव्हान देणार आहे.

नागपूर : मध्यप्रदेशातील मुरैना व ग्वालियर या दोन्ही जिल्‍ह्यातील आठ विधानसभा क्षेत्रात पोटनिवडणूक होणार आहे. या पोटनिवडणुकीसाठी काँग्रेसने राज्याचे पशुसंवर्धन, दुग्धविकास, क्रीडा व युवक कल्याणमंत्री सुनील केदार यांच्या रणनीतीवर भरवसा दाखवला. केदार यांची मध्यप्रदेशातील विधानसभा पोटनिवडणुकीसाठी समन्वयक म्हणून नियुक्ती करण्यात आली.

मध्यप्रदेशातील मुरैना जिल्ह्यातील जौरा, सुमावली, मुरैना, दिमनी आणि अंबाह तर ग्वालियर जिल्ह्यातील ग्वालीयर, ग्वालीयर पूर्व आणि डबरा या विधानसभा क्षेत्रात पोटनिवडणूक होणार आहे. केदार या आठ मतदारसंघात कॉंग्रेसचे समन्वयक म्हणून जबाबदारी पार पाडणार आहे.

केदार यांचे राजकीय कौशल्य जवळून बघणारे माजी केंद्रीयमंत्री कमलनाथ यांनी या आठही मतदार संघात विजयासाठी त्यांची समन्वयक म्हणून नियुक्ती केली. यातील ग्वालियर क्षेत्रात नुकताच भाजपमध्ये प्रवेश घेणारे ज्योतिरादित्य सिंधिया यांचे वर्चस्व आहे. त्यामुळे केदार आता ग्वालियरमध्ये ज्योतिरादित्य सिंधिया यांना आव्हान देणार आहे.

सुनील केदार यांनी यापूर्वीही बिहार येथील निवडणुकीत कॉंग्रेस पक्षाचे समन्वयक म्हणून जबाबदारी पार पाडली आहे. एकेकाळी राजकीय कौशल्याने संपूर्ण नागपूर जिल्ह्यावर केदार यांचे वर्चस्व होते. एवढेच नव्हे मागील निवडणुकीत भाजपने संपूर्ण जिल्ह्यात यश मिळवले. परंतु केदार यांनी प्रतिकूल परिस्थितीत सावनेरचा बालेकिल्ला कायम राखला होता.

तुकाराम मुंढे आणि माझी तुलना योग्य नाही!; नागपूरचे नवे आयुक्त राधाकृष्णन बी यांचे मत 

मागील वर्षी झालेल्या विधानसभा निवडणुकीतही केदार यांनी विरोधकांना धूळ चारत मंत्रीपदाला गवसणी घातली. आता मध्यप्रदेशातील पोटनिवडणुकीत केदार कोणती रणनिती वापरणार? कॉंग्रेसला विजय मिळवून देणार काय? याकडे राज्यातील अनेकांचे लक्ष लागले आहे.


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: In Madhya Pradesh, Congress relies on Kedar's strategy