esakal | मिनी लॉकडाउन खरंच प्रभावी ठरतोय? कोरोना रुग्णांचा आकडा पुन्हा एक हजार पार; नियम पाळाच 

बोलून बातमी शोधा

new 1271 corona patients today in Nagpur  }

जिल्ह्यातील वाढता प्रकोप व कोरोना संसर्गाचा दर कमी करण्यावर प्रशासनाचा अधीक भर आहे. कोरोना संसर्गाचा दर १०.७५ टक्के आहे. विशेष असे की, कोरोना वाढत आहे त्याच तुलनेत मृत्यूचा टक्का देखील वाढतआहे.

मिनी लॉकडाउन खरंच प्रभावी ठरतोय? कोरोना रुग्णांचा आकडा पुन्हा एक हजार पार; नियम पाळाच 
sakal_logo
By
केवल जीवनतारे

नागपूर ः जिल्ह्यात कोरोनाचा विस्फोट होता, त्या सहा महिन्यांपुर्वी चाचण्यांचा आकडा अवघा सात ते आठ हजारावर होता. मात्र फेब्रूवारी, मार्चमध्ये चाचण्यांचा वेग अतिशय वाढवण्यात आला आहे. १ ते ७ मार्च या काळात ७३ हजार ८७५ चाचण्यांचा विक्रम प्रशासनाने नोंदवला आहे. तर तब्बल ७ हजार ९४१ कोरोनाबाधित आढळून आले. रविवारी (ता.७) रोजी १ हजार २७१ कोरोनाचे नवे रुग्ण आढळून आले. तर ७ जणांचा मृत्यू झाला.

जिल्ह्यातील वाढता प्रकोप व कोरोना संसर्गाचा दर कमी करण्यावर प्रशासनाचा अधीक भर आहे. कोरोना संसर्गाचा दर १०.७५ टक्के आहे. विशेष असे की, कोरोना वाढत आहे त्याच तुलनेत मृत्यूचा टक्का देखील वाढतआहे. १ ते ७ मार्च या सात दिवसांत ५५ कोरोनाबाधितांचा झाला. 

धक्कादायक! सेवानिवृत्त आर्मी जवानाच्या घरावर छापा; जीवंत काडतुससह मोठा शस्त्रसाठा...

रविवारी शहरात ७ हजार ००८ व ग्रामीण भागामध्ये २ हजार ३४४ अशा ९ हजार ३५२ चाचण्या करण्यात आल्यात. यापैकी ग्रामीणमधून २३१, शहरातुन १०३७ तर जिल्ह्याबाहेरील ३ असे १२७१ नवे कोरोनाबाधित आढळून आलेत. यामुळे आतापर्यंत एकूण कोरोनाबाधितांची संख्या १ लाख ५७ हजार ७२९ वर पोहचली आहे. 

तर आज दिवसभरात ग्रामीणमधील १, शहर व नागपूर जिल्ह्याबाहेरील प्रत्येकी तीन अशा ७ जणांचा कोरोनाने दुर्दैवी मृत्यू झाला. यामुळे एकूण कोरोनाबळींची संख्या ४ हजार ३९० वर पोहचली आहे. सध्यस्थितीत जिल्ह्यात १० हजार ८५० सक्रिय कोरोनाबाधित रुग्ण आहेत. यातील २ हजार ९०९ जणांना सौम्य, मध्यम व तीव्र अशी लक्षणे असल्याने ते शासकीय, खासगी रुग्णालयात उपचार घेत आहेत. तर ७ हजार ९४१ जण गृह विलगीकरणात आहेत.

बाल संरक्षण पथकाने थांबविला बालविवाह; मात्र, अधिकारी व...

१० दिवसानंतर ११६० कोरोनामुक्त

गेल्या दहा दिवसानंतर प्रथमच आज एक हजाराहून अधिक जणांनी कोरोनावर मात केली आहे. रविवारी दिवसभरात १हजार १६० जणांनी कोरोनावर मात केली. मागील सात दिवसांत ५ हजारह ३०७ जण ठणठणीत होऊन घरीही परतले. तर आतापर्यंत कोरोनामुक्तांची संख्या १ लाख ४२ हजार ४८९ वर पोहचली आहे. ९०.३४ टक्क्यांवर कोरोनामुक्तांचा दर पोहचला आहे.

संपादन - अथर्व महांकाळ