कोरोना योद्ध्यांची माघार, नागपुरात फक्त ३७.४ टक्केच लसीकरण

नागपूर : केंद्र व राज्य सरकारने कोरोना प्रतिबंधित लसीकरणाचा प्रचंड गाजावाजा केला. १६ जानेवारी लसीकरणाचा मुहूर्त पार पाडला. पहिल्या दिवशी उपराजाधीतील पाच लसीकरण केंद्रांवर ५०० पैकी २७० जणांनी लस घेतली होती, तर लसीकरणाच्या दुसऱ्या टप्प्यात लसीकरणाचा टक्का वाढेल, असा विश्वास आरोग्य विभागाने व्यक्त केला होता. मात्र, मंगळवार १९ जानेवारीलाही मेडिकल, मेयो, डागा, एम्ससह पाचपावलीतील सुतिकागृह अशा पाच केंद्रावर केवळ १८७ जणांनीच लस घेतली आहे. यावरून उपराजधानीतील कोरोना योद्धे लसीकरणापासून दूर असल्याचे दिसून येते.

हेही वाचा - धक्कादायक! भोंदूबाबाचा एकाच घरातील चौघींवर बलात्कार, भूत उतरविण्याचा केला होता बहाणा

नागपुरातील कोरोना नियंत्रणासाठी तसेच उपचारादरम्यान फ्रंटवर असणारे कोरोना योद्धे संभ्रमावस्था असल्यानेच लसीकरणाचा टक्का खाली आला आहे. प्रशासनाकडून कोविशिल्ड आणि कोव्हॅक्सिन या दोन्ही लस सुरक्षित असल्याचे सांगतिले जात आहे. तरीही लसीकरणासाठी केंद्रावर कोरोना वॉरिअर्स येत नाहीत. शहराच्या तुलनेत ग्रामीण भागात ६७.२८ टक्के लसीकरण झाले. 

हेही वाचा - राज्यात मोठ्या भावाला रोखण्यासाठी काँग्रेसचे पटोले अस्र? राजकीय वर्तुळात रंगल्या चर्चा 

शहरातील लसीकरण -

• एम्स - ४७
• पाचपावली - ३२
• डागा रुग्णालय-३२
• मेडिकल- २९
• मेयो- ४५ 

ग्रामीण भागातील लसीकरण -

• हिंगणा रुरल हॉस्पिटल-३५
• कामठी उपजिल्हा रुग्णालय- ५७
• काटोल ग्रामीण रुग्णालय-६१
• रामटेक उपजिल्हा रुग्णालय-७३
• सावनेर रुग्णालय-६८
• उमरेड ग्रामीण रुग्णालय-९८
• एनकेपी साळवे हॉस्पिटल-७९