एकदाचे उघडणार बारचे शटर! मात्र केवळ घरपोच सेवा

सकाळ वृत्तसेवा
सोमवार, 25 मे 2020

सव्वा दोन महिन्यात जिल्ह्यातील बिअरबारचे शटर उघडणार आहे. बिअरला एक्सपायरी डेट आहे. बार बंद असल्याने या बिअर खराब होण्याची भीती आहे. यामुळे सरकारने हा निर्णय घेतल्याचे समजते. परंतु  बारमध्ये बसून दारू पिता येणार नाही. शहरीभागात घरपोच दारू विक्री होईल तर ग्रामीण भागात दुकानातून याची विक्री होईल.

नागपूर : गेल्या सव्वा दोन महिन्यापासून बंद असलेले बिअरबारचे शटर उघडण्याचा मार्ग मोकळा झाला आहे. जिल्हाधिकारी रवींद्र ठाकरे यांनी बार सुरू करण्यास परवानगी दिली आहे. आवश्यक कारवाई पूर्ण केल्यानंतर दोन तीन दिवसात बिअरबार सुरू होतील. परंतु येथे बसून दारू पिता येणार नसल्याचे उत्पादन शुल्क अधीक्षक प्रमोद सोनोने यांनी सांगितले.
कोरोनाच्या नियंत्रणासाठी वाईन शॉपसोबत बिअरबार बंद करण्यात आले होते. नागपूर जिल्ह्यात १८ मार्चपासून दारू विक्री बंद आहे. सरकारच्या आदेशानंतर दारू विक्री सुरू करण्यात आली. शहरात घरपोच तर ग्रामीण भागात दुकानातून विक्रीस परवानगी आहे. आता बिअरबारमधून दारू विक्री होणार आहे. शासनाच्या सहमतीनंतर जिल्हाधिकारी रवींद्र ठाकरे यांनी बार सुरू करण्यास परवानगी दिली. सव्वा दोन महिन्यात जिल्ह्यातील बिअरबारचे शटर उघडणार आहे. बिअरला एक्सपायरी डेट आहे. बार बंद असल्याने या बिअर खराब होण्याची भीती आहे. यामुळे सरकारने हा निर्णय घेतल्याचे समजते. परंतु  बारमध्ये बसून दारू पिता येणार नाही. शहरीभागात घरपोच दारू विक्री होईल तर ग्रामीण भागात दुकानातून याची विक्री होईल.

सविस्तर वाचा - वस्त्रनिर्मिती व्यावसायिकांना अंतरिम दिलासा नाकारला
तपासणीनंतरच मिळणार परवानगी
एमआरपीनुसारच याची विक्री होणार असून बार सकाळी ९ ते सायंकाळी ६ वाजेपर्यंतच सुरू राहतील.बंद करतेवेळी जो साठा बारमध्ये होता, त्यालाच विक्रीची परवानगी राहणार आहे. बार चालकांकडून आलेल्या अर्जानंतर आवश्यक तपासणी केल्यावरच त्यांना विक्रीची परवानगी देण्यात येईल. याला दोन, तीन दिवस लागतील.
प्रमोद सोनूने
अधीक्षक उत्पादन शुल्क विभाग


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: permission granted to open permit room