बाप करीत होता मुलीला मारहाण; काकाने मध्यस्ती केली असता घडला हा थरार

The younger brother was injured in the attack
The younger brother was injured in the attack

नागपूर : शहरातील जरीपटका पोलिस ठाणे हद्दीत झालेल्या मारहाणीत गंभीर जखमी करणाऱ्या आरोपीविरुद्ध गुन्हा दाखल करण्यात आला आहे. मुलीला मारहाण करीत असलेल्या वडिलांना भावाने टोकल्यामुळे आरोपीने भावालाच गंभीर जखमी केले.

पोलिसांनी दिलेल्या माहितीनुसार, एक फेब्रुवारीला सकाळी ११ वाजताच्या सुमारास गजर वनवास शेंडे (रा. जरीपटका पोलिस ठाणे हद्दीत जुना जरीपटका, इटारसी पुलिया झोपडपट्टी) हा मुलगी दामिणीला मारहाण करीत होता. त्याचा भाऊ धरम शेंडे यांनी त्याला टोकले.

तेव्हा आरोपीने त्याला मारण्यासाठी बल्ली आणली. तेव्हा भाऊ राजेश शेंडे हा मध्ये आला. यावेळी राजेश शेंडेला डोक्यावर मारून जखमी केले. तसेच गं. भा. नंदाबाई वनवास शेंडे (वय ४०) या मध्ये पडल्या असता त्यांनासुद्धा मारून जखमी केले.

याप्रकरणी फिर्यादी यांनी दिलेल्या तक्रारीवरून जरीपटका पोलिसांनी आरोपीविरुद्ध गुन्हा नोंदविला आहे. अशाच प्रकारचा एक गुन्हा लकडगंज पोलिसांनी दाखल केला आहे. कोलबा स्वामी चौक, विष्णू कॉम्पलेक्स मागे, जुनी मंगळवारी, नागपूर येथे राहणारे फिर्यादी रोहित नरेंद्र नांदेकर (वय ३०) व आरोपी महादेव नामदेव पौनीकर (वय ३९, रा. तांडापेठ, लाडपुरा, नंदगोरी रोड, नागपूर) हे नातेवाईक असून एक फेब्रुवारी रोजी दुपारी साडेचार वाजताच्या सुमारास घरी हजर असताना आरोपी हा फिर्यादी यांच्या घरी आला.

माझ्या पत्नीला फोन करून का शिवीगाळ केली, असे म्हणून आरोपीने फिर्यादीच्या डोक्यावर लोखंडी पट्टीने मारून गंभीर जखमी केले. याप्रकरणी फिर्यादी यांनी दिलेल्या तक्रारीनुसार लकडगंज पोलिसांनी आरोपीविरुध्द गुन्हा नोंदविला आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com