चिखलदरा - मेळघाटमध्ये अंधश्रद्धा कायम असल्याचा घटना सातत्याने घडत आहेत. चिखलदरा तालुक्यातील दहेंद्री गावात एका २२ दिवसांच्या बालिकेला गरम सळईने चटके दिल्याची बाब उघडकीस आली. शुक्रवारी (ता. चार) ही घटना घडली. .दहेंद्री गावातील धोंडू शेलूकर व रिचमू शेलूकर या दाम्पत्याची ही मुलगी आहे. २२ दिवसांच्या मुलीची प्रकृती काही दिवसांपासून बरी नव्हती. तिला उलट्यांचा त्रास होत होता. त्यामुळे तिला पालकांनी रुग्णालयात उपचारासाठी नेण्याऐवजी गावातील एका भूमकाकडे (मांत्रिकाकडे) नेले..सदर महिलेने चिमुकलीवर उपचार करण्यासाठी तिच्या पोटावर गरम सळईने चटके दिले. त्यानंतरही त्या मुलीच्या प्रकृतीत सुधारणा झाली नाही. त्यामुळे तिला पालकांनी उपचारासाठी अचलपूर उपजिल्हा रुग्णालयामध्ये दाखल केले..रुग्णालय प्रशासनाच्या ही बाब निदर्शनात येताच त्यांनी घटनेची माहिती अचलपूर पोलिसांना दिली. घटनास्थळ हे चिखलदरा ठाण्याच्या हद्दीत येत असल्यामुळे चिखलदरा पोलिसांनी उपचार करणाऱ्या महिलेविरुद्ध जादूटोणाविरोधी प्रतिबंधक कायद्यान्वये गुन्हा दाखल केला आहे..१५ जून रोजी संबंधित महिलेची प्रसुती होऊन तिने एका मुलीस जन्म दिला. तीन जुलैला ही घटना घडली. चार जुलैला त्या मुलीला उपचारासाठी अचलपूर उपजिल्हा रुग्णालयात दाखल केले. आता त्या चिमुकलीची प्रकृती स्थिर आहे.- डॉ. प्रवीण परिसे, अतिरिक्त जिल्हा आरोग्य अधिकारी.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
