ट्रकने चिरडल्याने दोघांचा मृत्यू, तीन जखमी | Sakal
sakal

बोलून बातमी शोधा

accident news vidarbha two killed in truck accident yavatmal

ट्रकने चिरडल्याने दोघांचा मृत्यू, तीन जखमी

वणी (जि. यवतमाळ) : रस्त्याची डागडुजी करणार्‍या मजुरांना भरधाव ट्रकने चिरडल्याने दोन मजुरांचा जागीच मृत्यू झाला. तर तिघे जण गंभीर जखमी झाल्याची घटना पुनवट गावाजवळ बुधवारी (ता.चार) दुपारी पाच वाजता दरम्यान घडली. वणी ते चंद्रपूर मार्ग आयव्हीआरसीएल या बांधकाम कंपनीने तयार केला आहे. मात्र निकृष्ट दर्जाचे काम झाल्याने या सिमेंट रोडवर मोठं मोठ्या भेगा पडल्या आहे. त्यामुळे या मार्गावर दुचाकीस्वारांचे नेहमीच अपघात होतात. सिमेंटच्या रस्त्याला भेगा पडल्याने त्या भेगा बुजवण्याचे काम सुरू  केले आहे.

पुनवट गावाजवळ रस्ता दुरुस्तीचे काम सुरू करण्यात आले होते. वणीकडून भरधाव येणार्‍या ट्रकने राजू मिलमीले (वय 27, रा. कोठोडा), धर्माजी भटवलकर (वय 65, रा. बेलोरा), सुरेश जुनगरी (वय 40, रा. बेलोरा, सतीश गेडाम (वय 35, रा. बेलोरा), पांडुरंग अवताडे (वय 30, रा. कोठोडा) या पाच मजुरांना चिरडले. यात राजू मिलमीले, धर्माजी भटवलकर यांचा जागीच मृत्यू झाला. अपघात होताच ट्रक चालक फरार झाला. जखमींना वणी येथील ग्रामीण रुग्णालयात उपचारासाठी दाखल करण्यात आले आहे. शिरपूर पोलिस घटनास्थळी दाखल झाले असून पुढील तपास करीत आहेत.

Web Title: Accident News Vidarbha Two Killed In Truck Accident Yavatmal

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top