अकोल्यातील वांगरगावात तणाव; शिवरायांचा पुतळा हटविण्याचा वाद; नेमकं काय घडलं?

अकोला,ता.२०ः तेल्हारा तालुक्यातील वांगरगाव येथे छत्रपती शिवाजी महाराजांचा पुतळा हटविण्याच्या कारवाईदरम्यान गावात तणावपूर्ण परिस्थिती निर्माण झाली आहे. स्थानिक ग्रामस्थांच्या मते, पोलिस प्रशासनाकडून कोणताही स्पष्ट अधिकार किंवा अधिकृत आदेश नसताना पुतळा हटविण्याची प्रक्रिया सुरू करण्यात आली. त्यामुळे गावकऱ्यांमध्ये संतापाची लाट उसळली असून त्यांनी या कारवाईला तीव्र विरोध दर्शविला.