दवलामेटी : अमरावती महामार्गावरील भरतनगर वळणाजवळ सोमवारी सकाळी झालेल्या दुचाकी अपघातात आयुध निर्माणी अंबाझरी येथे कार्यरत कर्मचाऱ्यांपैकी एकाचा जागीच मृत्यू झाला असून, दोघे गंभीर जखमी झाले आहेत. .सेल मशीन विभागात कार्यरत असलेले उत्तमकुमार ठाकूर (वय४२), सतीश लाकरा (वय ३३) आणि फुलचंद एक्का (वय ३३) हे तिघे वडधामना परिसरातून ड्युटीकडे जात असताना, भरतनगर वळणाजवळ एमएच ४९/ बीझेड ००९३ क्रमांकाच्या चारचाकी वाहनाने त्यांच्या दुचाकीला जोरदार धडक दिली..धडकेनंतर दुचाकीचा चक्काचूर झाला आणि तिघे रस्त्याच्या कडेला फेकले गेले. आजूबाजूच्या नागरिकांनी तातडीने मदत केली. वाडी पोलिस घटनास्थळी दाखल झाले. तिघांनाही वाडी येथील एका खासगी रुग्णालयात नेण्यात आले..Nagpur Hospital Safety : मेडिकलमध्ये मोकाट श्वानांची दहशत;रुग्णांच्या नातेवाइकांनी ईमेलवरून केली तक्रार.मात्र डॉक्टरांनी उत्तमकुमार ठाकूर यांना मृत घोषित केले. उर्वरित दोघांवर सध्या एका खासगी रुग्णालयात उपचार सुरू आहेत. मृतकाच्या खिशातील आयडेंटिटी कार्डवरून ओळख पटवण्यात आली आणि लगेचच डिफेन्स प्रशासनाला तसेच कामगार संघटनांना माहिती देण्यात आली. घटनेनंतर अंबाझरी फॅक्टरी परिसरात शोककळा पसरली. पोलिस उपनिरीक्षक निकिता कोठे यांच्या मार्गदर्शनाखाली वाडी पोलिस पुढील तपास करीत आहेत..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
