Crime News : चाकूच्या धाकावर अल्पवयीन मुलीचे अपहरण | Sakal
sakal

बोलून बातमी शोधा

crime

Crime News : चाकूच्या धाकावर अल्पवयीन मुलीचे अपहरण

अमरावती:- चाकूच्या धाकावर घरातून एका अल्पवयीन मुलीचे अपहरण केल्याची घटना चांदूर रेल्वे शहरात बुधवारी दुपारी ३.३० वाजताच्या दरम्यान घडली असून या घटनेमुळे शहर हादरले आहे. याप्रकरणी पीडित व आरोपीच्या शोधार्थ चांदूर रेल्वे पोलिसांचे पथक ठाणेदार विलास कुलकर्णी यांच्या नेतृत्वात रवाना झाले होते.

पोलीस सूत्रांकडून मिळालेल्या माहितीनुसार, आरेपी नईम खान, शेख अशफाक, अतुल कुसराम व चांदूरवाडी येथील एक आरोपी असे चौघे विना नंबरच्या तवेरा गाडीतून पीडित मुलीच्या घरी आले होते. या ठिकाणी त्यांनी कूटूंबातील सदस्यांसमोरच चाकूचा धाक दाखवीत मुलीला जबरदस्तीने ओढून वाहनात बसवून घेऊन गेले. या घटनेमुळे सदर परिवार भयभीत झाला होता.

त्यानंतर चांदूर रेल्वे पोलिसात तक्रार दिली असता पोलिसांनी चारही आरोपीविरुद्ध भादंवी कलम ३६३, ४५२, ५०६, ३४ तसेच शस्त्र अधिनियम अन्वये गुन्हा नोंदविला असून या प्रकरणाचा पुढील तपास ठाणेदार विलास कुलकर्णी यांच्या मार्गदर्शनात एपीआय अनिल पवार करीत आहे. याप्रकरणी पिडीत व आरोपीच्या शोधात पोलीस पथक रवाना झाले होते. या घटनेनंतर पोलीस स्टेशनवर नागरिकांनी मोठी गर्दी केली होती.

Web Title: Amravati Crime News Kidnapping Of Minor Girl Chandur Police

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..