अमरावती : अमरावती शहरातील एका युवतीला काम मिळवून देण्याच्या बहाण्याने गुजरात राज्यात नेऊन २ लाख ६० हजार रुपये घेऊन इच्छेविरुद्ध लग्न लावून दिल्याची घटना उजेडात आली. सुटका करून घेतलेल्या युवतीने अमरावतीत पोहचल्यावर वलगाव ठाण्यात तक्रार दाखल केली..वलगाव पोलिसांनी पीडित युवतीच्या तक्रारीवरून दोन महिलांसह एक इसम अशा तिघांविरुद्ध अपहरणाचा गुन्हा दाखल केला आहे. गुन्हा दाखल झालेल्या महिला या शहरातील रहिवासी असून, त्या दोघांव्यतिरिक्त संशयित राजेश बेला (वय ३७, रा.कनकोट, गुजरात) याचा समावेश असल्याचे वलगाव पोलिसांनी सांगितले. १९ जानेवारी २०२५ रोजी दुपारी दोनच्या सुमारास वलगावहद्दीत राहणारी एक ७० वर्षीय महिला पीडित युवतीला भेटली. .मुलगी स्वयंपाकाला जाते म्हणून तिच्यासोबत काम लावून देण्याची बतावणी पीडितेशी बोलताना केली. त्यानंतर मुर्तिजापूरला स्वयंपाकाच्या कामाला जायचे असल्याचे कारण सांगून बडनेरा रेल्वेस्थानक येथे नेले. परंतु मुर्तिजापूर आल्यावर युवतीने येथे उतरण्यासाठी म्हटले असता, संशयित महिलेने तिला मुर्तिजापूर जायचे नसून गुजराजमध्ये मुलीकडे जायचे असल्याचे सांगितले. वृद्धेच्या मुलीकडे एक दिवस थांबल्यानंतर तिला घेऊन वृद्धा दुसऱ्या व्यक्तीकडे आठ दिवस थांबली. .ज्यांच्याकडे थांबली त्या सालेभाई नामक व्यक्तीने तिला गुजरात राज्यातील एका महिला मंडळात नेले. त्याठिकाणी संशयित राजेश बेला (वय ३०) या व्यक्तीसोबत अमरावतीच्या त्या मुलीचे इच्छेविरुद्ध लग्न लावून दिले. तेथे युवतीच्या स्वाक्षरी सुद्धा घेतल्या गेल्या. लग्न लावून देण्यात आलेल्या व्यक्तीकडे ही युवती दोन महिने थांबली. .त्या कालावधीत सदर संशयित व्यक्तीसोबत तिचे शारीरिक संबंध झाले नसल्याचे पीडितेने तक्रारीत म्हटले आहे. त्या व्यक्तींची नजर चुकवून पीडित युवती ओळखीतील अन्य महिलेकडे कशीतरी निघून गेली. तेथून फोनपे वरुन आपल्या अमरावती येथील नातेवाइकांकडून एक हजार रुपये मागवून घेतल्यावर तिने गुजरात मधून निघाल्यावर २८ मे रोजी बडनेरा रेल्वेस्थानक गाठले. त्यानंतर वलगाव ठाण्यात २९ मे रोजी तक्रार नोंदविली..घटस्फोटासाठीही केली तिने धडपडगुजरातमधील महिला मंडळात तिचे लग्न झाले होते. परंतु घटस्फोट हवा असल्याने तिने याच मंडळात धाव घेतली. चांगली वागणूक मिळत नसल्याचे कारण तिने येथे दिले. त्यावेळी तिचे लग्न जुळविण्यासाठी संशयितांनी २ लाख ६० हजार रुपये घेतल्याचा उलगडा तिला झाल्याचे युवतीने तक्रारीत म्हटले..Nagpur Crime : पोलिसांना माहिती दिल्याचा राग; साथीदाराचा खून करून पळालेला आरोपी अटकेत.या संदर्भात तपासाकरिता वलगाव पोलिसांचे पथक गुजरात मध्ये जाईल. संबंधितांच्या अटकेची कारवाई करण्यात येईल.- वैभव पानसरे, पोलिस निरीक्षक, वलगाव..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
