Ancient Shiva Temple : चांदूरबाजार तालुक्यात जमिनीच्या आत सापडले पुरातन शिवमंदिर

अमरावती (चांदूरबाजार) - चांदुरबाजार तालुक्यातील श्रीक्षेत्र देऊरवाडा येथे पूर्णा व मेघा नदीच्या संगमाजवळ पूर्णा नदीकाठी शेकडो वर्षांपूर्वीचे पुरातन शिवमंदिर जमिनीत आढळून आल्याची आश्चर्यकारक घटना आज घडली. हे पुरातन मंदिर भानूतीर्थ असल्याचे बोलल्या जात आहे. .देऊरवाडा हे गाव पुरातन व धार्मिक तीर्थक्षेत्र आहे. याठिकाणी पुरातन नृसिंह मंदिरदेखील आहे. नृसिंहाने हिरण्यकश्यपू राक्षसाचा वध केल्यानंतर आपली रक्ताने माखलेली नखे पयोष्णी नदीमध्ये याठिकाणी साफ केली होती, अशी आख्यायिका आहे. शिवपुराणातील पयोष्णी नदीचे वर्णन करण्यात आले आहे. .पूर्णा नदी म्हणजेच वैष्णवी नदी होय. याठिकाणी पूर्णा नदी ही उत्तरवाणी असून या भागात १८ तीर्थ आहे. या १८ तीर्थाचे वर्णन पष्णवी ग्रंथामध्ये करण्यात आले. यात सोमतीर्थ, क्रोडतीर्थ, प्रवरतीर्थ, अमृततीर्थ, गरुडतीर्थ, विशालतीर्थ, लक्ष्मीतीर्थ, कपाल मोहनतीर्थ, अग्नीतीर्थ, पिशाचतीर्थ, भानूतीर्थ, कुतशौच महातीर्थ, बागेश्वरी तीर्थ, चक्रतीर्थ, पितृतीर्थ, कचतीर्थ, रुद्रतीर्थ, उमातीर्थ असे १८ तीर्थ आहेत..या १८ तीर्थापैकी, पूर्णा नदीच्या काठी सापडलेले पुरातन मंदिर भानूतीर्थ असल्याचे म्हटले जाते. हे मंदिर नृसिंह मंदिराच्या मागील मो. अस्लम शे. आजम यांच्या शेतात सापडले. मंदिर नदीकाठी जमिनीच्या आत असून चुना, दगड, खरब आदी साहित्यांनी बांधण्यात आले आहे. वरून त्या मंदिरावर स्लॅबसारखे दिसून येते व मंदिराच्या आतमध्ये शंकराची जुनी शिवलिंग आढळून आले. .या मंदिराच्या दरवाज्याची कमान पूर्व दिशेला आहे. त्याचप्रमाणे वाळू व दगडाची एक मूर्तीदेखील मिळाली आहे. हे मंदिर पूर्णा नदीकाठी असल्याने पूर्वी, पूर्णा नदीला येत असलेल्या महापुराच्या गाळामुळे दबून गेले असल्याचीही चर्चा गावकऱ्यांमध्ये आहे. या गावामध्ये अनेक मंदिरे असल्याने या गावाला देवाचा वाडा असेही म्हणतात. अशा या गावाचा धार्मिक पर्यटन म्हणून विकास होणे गरजेचे झाले असल्याचेही बोलले जात आहे..जुन्या पष्णवी ग्रंथामध्ये, १६ व्या अध्यायामध्ये या तीर्थाचे वर्णन केले आहे. त्यामुळे गावकऱ्यांमध्ये भरपूर दिवसांपासून कुजबूज सुरू होती. अखेर गावातील काही युवकांनी पुढाकार घेत जुन्या लोकांना विचारपूस करीत त्यांचा सल्ला घेत व त्यानुसार शेतमालकाला भेटून शेतमालकाची परवानगी घेऊन अखेर आज श्रमदान करून जमिनीच्या आत असलेले मंदिर अखेर उघडे पाडले..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.