Yavatmal
esakal
यवतमाळ: शेतकऱ्यांचा शेतमाल उधारीत घेणाऱ्या व्यापाऱ्याने पोबारा केला. यातून १८ ते २० शेतकऱ्यांची तब्बल एक कोटीहून अधिक रुपयांची फसवणूक झाली. या प्रकरणी शुक्रवारी (ता. १७) आर्णी पोलिस ठाण्यात फसवणूक करणाऱ्यांविरोधात गुन्हे नोंद करण्यात आले आहे.
अशोक किसनराव इंगोले, शंतनू अशोकराव इंगोले आणि प्रणव अशोकराव इंगोले सर्व रा. कोळवण, आर्णी या तिघांविरोधात गुन्हे नोंद करण्यात आले आहे. पोलिस उपनिरीक्षक नरेंद्र मधुकर देशमुख यांनी दिलेल्या तक्रारीनुसार तालुक्यातील तरोडा येथील शेतकरी विनोद पखाले यांच्यासह इतर १७ शेतकऱ्यांनी फसवणुकीबाबत पोलिसांकडे धाव घेतली होती.
