बेलोरा : चांदूरबाजार तालुक्यातील कुरळपूर्णा ते पिंपळखुटा मार्गावर उभ्या ऑटोपासून बारा ते पंधरा फूट लांब झुडुपांत ऑटोचालकाचा मृतदेह आढळला. सोमवारी (ता. १६) पहाटे ही घटना उघडकीस आली..रवी श्यामराव गोंडेकर (वय ४२, रा. बेलोरा), असे मृत ऑटोचालकाचे नाव असल्याचे चांदूरबाजार पोलिसांनी सांगितले. श्री. गोंडेकर यांना रविवारी (ता. १५) रात्री दहाच्या सुमारास कुणाचा तरी फोन आला. त्यामुळे ते स्वत:चा ऑटो घेऊन घराबाहेर पडले. रात्रभर घरी परतलेच नाही. .परंतु आज (ता. १६) सकाळी दिवस उजाडल्यानंतर कुरळपूर्णा ते पिंपळखुटा मार्गावर निर्जनस्थळी रस्त्यावर सदर व्यक्ती चालवत असलेला त्यांचा प्रवासी ऑटो उभा दिसला. तर तेथून बारा ते पंधरा फूट लांब झुडुपांत ऑटोचालक रवी गोंडेकर हे मृतावस्थेत आढळून आले. नागरिकांनी चांदूरबाजार पोलिसांना माहिती दिली. .पोलिसांनी अकस्मात मृत्यू, अशी नोंद घेतली. एवढ्या रात्री रवी गोंडेकर यांना कुणी फोन करून व कशासाठी बोलविले, यासंदर्भात चांदूरबाजार पोलिसांनी तपासणी सुरू केली होती. मृत व्यक्तीच्या शरीरावर शस्त्राने वार केल्याच्या खुणा नसल्याचे अधिकाऱ्यांनी सांगितले. त्यामुळे घातपाताचा संशयदेखील पोलिस पडताळून बघत आहेत..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
