बडनेरा : विद्यमान आमदार रवी राणा आघाडीवर| Election results 2019

बडनेरा (जि. अमरावती) : येथून विद्यमान आमदार रवी राणा 253 मतांनी आघाडीवर आहेत.

पहिल्या फेरीअखेर रवि राणा यांना 2849 मते तर शिवसेना भाजप महायुतीच्या उमेदवार प्रीती बंड यांना 2596 मते आहेत. राणा यांनी आघाडी 253 मतांची आघाडी मिळाली आहे.

विद्यमान आमदार रवी राणा यांचे राजकीय भवितव्य ठरविणाऱ्या बडनेरा विधानसभा मतदारसंघातील निवडणुकीने सर्वांचे लक्ष वेधून घेतले आहे. माजी जिल्हाप्रमुख दिवंगत संजय बंड यांच्या निधनानंतर त्यांच्या पत्नी प्रीती बंड या शिवसेना भाजप महायुतीच्या उमेदवार असून त्यांनी राणा यांना जोरदार टक्कर दिल्याने रवी राणा या मतदारसंघात हॅट्ट्रिक मारण्यात यशस्वी होतात काय याकडे सर्वांचे लक्ष लागले आहे. वंचित बहुजन आघाडीचा उमेदवार या मतदारसंघात रिंगणात असला तरी राणा आणि बंड यांच्या प्रचाराचीच चर्चा मतदारसंघात होती.