अमरावती ः खासगीकरणाच्या विरोधात दहा लाखांवर बॅंक कर्मचारी आणि अधिकारी सोमवारपासून (ता.15) दोन दिवसांच्या संपावर जात आहेत. या बॅंका 150 लाख कोटी रुपयांचा व्यवसाय हाताळतात, त्यामुळे या दोन दिवसांत कोट्यवधी रुपयांचे व्यवहार ठप्प होणार आहेत.सरकारने आयडीबीआय आणि दोन सार्वजनिक क्षेत्रातील बॅंकांच्या खासगीकरणाची घोषणा केल्याने त्याविरोधात हा संप पुकारण्यात आला आहे.
या संपात महाराष्ट्र राज्यातील दहा हजार पेक्षा जास्त शाखेतून काम करणारे अंदाजे पन्नास हजार बॅंक कर्मचारी तसेच अधिकारी सहभागी होत आहेत. संपाची सुरुवात सकाळी सहापासून सेवा शाखा ज्या चेक क्‍लिअरिंगचे काम पाहतात तेथून होईल ते मंगळवारी रात्री बारापर्यंत हे कामकाज बंद राहील.
या संपात बॅंकेत काम करणारे सफाई कर्मचारी ते शाखा व्यवस्थापक सर्व श्रेणीतील अधिकारी सहभागी होत असल्यामुळे संप शंभर टक्‍के यशस्वी होईल, असा विश्‍वास युनायटेड फोरम ऑफ बॅंक युनियनचे महाराष्ट्र राज्याचे निमंत्रक देविदास तुळजापूरकर यांनी व्यक्त केला आहे.
या संपात ऑल इंडिया बॅंक एम्प्लॉइज असोसिएशन, नॅशनल कॉन्फेडरेशन ऑफ बॅंक एम्प्लॉइज, ऑल इंडिया बॅंक ऑफिसर्स कॉनफेडरेशन, ऑल इंडिया बॅंक ऑफिसर्स असोसिएशन, इंडियन नॅशनल बॅंक ऑफिसर्स कॉंग्रेस, इंडियन नॅशनल बॅंक एम्प्लॉइज फेडरेशन, नॅशनल ऑर्गनायझेशन ऑफ बॅंक वर्कर्स, नॅशनल ऑर्गनायझेशन ऑफ बॅंक ऑफिसर्स आणि बॅंक एम्प्लॉइज फेडरेशन ऑफ इंडिया या संघटना सहभागी होत आहेत, अशी माहिती देविदास तुळजापूरकर यांनी दिली.
संपादन - अथर्व महांकाळ
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.