कनेक्‍शन कापण्यास गेलेल्या कनिष्ठ अभियंत्यास मारहाण, गुन्हा दाखल

लाखनी (जि. भंडारा) : तालुक्‍यात सध्या वीजबिल न भरणाऱ्यांचे कनेक्‍शन कापण्याची मोहीम सुरू आहे. त्यामुळे ग्राहक अडचणीत येत आहेत. रेंगेपार कोहळी येथील सुनील बोरकर यांनी मागील एक वर्षापासून विजेचे बिल न भरल्यामुळे आज कनिष्ठ अभियंता मुकूल श्रीराम शेंडे व कर्मचारी कनेक्‍शन कापण्यास गेले असता त्यांना मारहाण झाल्याची घटना घडली. याबाबत लाखनी पोलिसांनी गुन्हा नोंदविला आहे. 

हेही वाचा - रेडिओच्या शोधाचा वाद अन् जगातील पहिले रेडिओ केंद्र माहितीये का?

१५ दिवसाचे आत ग्राहकांनी थकीत बिलाची भरणा केला नाही तर, त्यांचे वीज कनेक्‍शन खंडित करण्यात यावे, असे आदेश कंपनीकडून प्राप्त केले आहे. थकीत वीजबिलाचा भरणा न केल्यामुळे वरिष्ठ तंत्रज्ञान राजेश पुरुषोत्तम मते यांना खांबावर चढून कनेक्‍शन कापण्यास सांगितले. मते हे खांबावर चढत असताना सुनील लक्ष्मण बोरकर (वय ४५) घरातून हातात काठी घेऊन आला. तेव्हा कनिष्ठ अभियंता शेंडे यांनी त्याला अडवण्याचा प्रयत्न केला व शेंडे यांना मारहाण केली, यासंबंधात कनिष्ठ अभियंता शेंडे यांनी पोलिसत तक्रार दिली आहे. पोलिसांनी सुनील बोरकर याला अटक केली असन घटनेचा तपास पोलिस निरीक्षक मनोज वाढिवे यांच्या मार्गदर्शनाखाली पोलिस उपनिरीक्षक युवराज म्हैसकर करीत आहेत. 

हेही वाचा - अ‌ॅपवरून ऑनलाइन कर्जाचा फास! प्ले स्टोअरवरून उडवले ३०...

आम्ही थकित बिलाचे हप्ते पाडून द्यायला तयार आहोत. परंतु, ग्राहकांना वीज बिल भरायचेच नाही. त्यामुळे कंपनी आर्थिक संकटात सापडली आहे. त्यामुळे जनतेने सहकार्य करावे. 
- राजन लिमजे, उपकार्यकारी अभियंता, लाखनी.