राष्ट्रीय पक्षी मोराला दिले जीवदान, वाचा बांधकाम करणाऱ्यांच्या अनोख्या भूतदयेबद्दल

बोरी अरब, (जि. यवतमाळ) : येथे आज सकाळी नऊ वाजताच्या सुमारास शमिउल्ला खान व जुनेद खान हे दोघे नेरवरून बोरी अरब येथे बांधकामाकरिता येत असताना त्यांना विठ्ठल मंदिराजवळ जखमी अवस्थेत मोर दिसला. त्यांनी लगेच त्या मोराला उचलून बोरी अरब मस्जिदपुरा येथे वकार अहमद, जुबेर अहमद, इशरत खान, संजू बेलगमवार यांच्याकडे सोपवून जीवदान दिले.

जखमी मोरावर त्वरित उपचार झाल्याने त्याचा जीव वाचला. बांधकाम करणाऱ्यांनी प्रसंगावधान राखत मोराला उचलून आणले म्हणून त्याचा जीव वाचल्याची चर्चा परिसरात होती. त्यांनी ज्या नागरिकांना मोर दिला त्यांनी क्षणाचाही विलंब न करता त्याच्या उपचारासाठी धावपळ केली.

लिव्ह इन'मध्ये राहायचे प्रेमीयुगुल; संबंधात अडथळा आल्याने युवक चवताळला अन्‌...

त्यांनी बोरी येथील शिवसेना उपशहरप्रमुख एरार अहमद शेख यांना माहिती दिली. त्यानंतर त्यांनी मोराला स्वतः घरी पिंजऱ्यात ठेवून वनविभाग दारव्हा येथील चेतन नेहारे वन परिक्षेत्र अधिकारी फिरोज खान यांच्याशी संपर्क साधला. तोतया अधिकारी येऊ नये यासाठी त्यांनी आय कार्ड आणि वनविभागाच्या गणवेशात येण्यास सांगितले.

अन्यथा आम्ही त्याला जंगलात नेऊन सोडून देऊ, असेही स्पष्ट केले. जवळचा वनविभाग म्हणून लाडखेड येथे संपर्क साधला असता लाडखेड येथील आर. पी. बागडे व त्यांचा शिपाई यांनी ताबडतोब येऊन यांनी जखमी अवस्थेतील मोराची पाहणी केली. त्याचा पंचनामा केला व पंचनामा केल्यानंतर याला पशुवैद्यकीय दवाखाना लाडखेड येथे नेले तेथे तपासणी केली. योग्य उपचार करून मोराला जीवदान देण्यात आले.