Buldhana: उघड्यावर प्लास्टिक फेकल्यास होणार कारवाई; मुख्य कार्यकारी अधिकाऱ्यांचे निर्देशः प्रभावी अंमलबजावणी करा

बुलडाणा: पर्यावरणाचे संरक्षण आणि स्वच्छता राखण्याच्या दृष्टीने जिल्हा परिषदेचे मुख्य कार्यकारी अधिकारी गुलाबराव खरात यांनी गावस्तरावर कचरा व्यवस्थापन मोहीम प्रभावीपणे राबविण्यासाठी दंडात्मक कारवाईचे आदेश पंचायत समित्या व ग्रामपंचायतींना दिले आहेत. यासंदर्भातील परिपत्रक सोमवारी (ता. ६) रोजी जिल्हा परिषदेच्या वतीने बीडीओ व ग्रामपंचायतींना देण्यात आले.