CoronaVirus : पहा आता कोण म्हणतोय ‘गो कोरोना’

संग्रामपूर (जि.बुलडाणा) : सातपुडा इंग्लिश मीडियम स्कूल वरवट-बकाल येथे विद्यार्थ्यांनी राज्यात चालू असणाऱ्या कोरोना व्हायरसबद्दल सतर्कता कशी बाळगावी यासाठी छोटासा प्रयत्न म्हणून विद्यार्थी व विद्यार्थिनींनी मिळून ‘गो कोरोना’ असा संदेश देणारी मानवी साखळी तयार केली. 

सातपुडा इंग्लिश मीडियम स्कूल वरवट-बकाल येथील विद्यार्थी-विद्यार्थिनी मिळून नेहमी संदेश देत असतात. दैनंदिन जीवन चालू आहे, पण हे जीवन जगत असताना सर्वांनी आपली काळजी घ्यावी व स्वछता ठेवावी असे संदेश येथील सर्व चिमुकले विद्यार्थी आपल्या शाळेमधूनही देत असतात. या अगोदरही येथील विद्यार्थ्यांनी वेगवेगळ्या उपक्रमातून खूप सारे संदेश देत आपल्या शाळेचं नाव मोठं केल आहे. 

महत्त्वाची बातमी - अल्पवयीन प्रेमी युगुलाची रेल्वेखाली उडी घेऊन आत्महत्या

येथील विद्यार्थ्यांना त्यांच्या शिक्षकांचे खूप मोठे योगदान आहे व असे वेगवेगळ्या कार्यक्रम असल्यामुळे सर्व विद्यार्थी व शिक्षक आपला सहभाग करतात. या कार्यक्रमाला उपस्थित पंकज तायडे, बी.बी.नायक, श्रीकृष्ण ढगे, गजानन उगले, धम्मपाल दाभाडे, श्याम रोठे, राहुल डाखोकार, रुपेश टाकळकार, नयना मारोडे, पूनम मारोडे, पूनम चरखे, भाग्यश्री बोदडे, किरण तायडे, शिक्षक व  शिक्षिका उपस्थित होते.