लग्नाच्या आठ दिवसांनी विवाहितची आत्महत्या; विष केले प्राशन

तिवसा (जि. अमरावती) : तालुक्यातील निंभोरा देलवाडी येथील एका २१ वर्षीय विवाहित मुलीने कीटक नाशक विष प्राशन करून आत्महत्या केल्याची घटना सोमवार दिनांक १८ जुलैरोजी दुपारी ३:३० वाजताच्या सुमारास उघडकीस आली. सेजल विश्वासराव काळबांडे असे आत्महत्या करणाऱ्या विवाहित मुलीचे नाव आहे, वडिलांने १० जुलै रोजी शहरातील मंगलकार्यालयात मोठ्या थाटामटात आपल्या एकुलत्या एक मुलीच लग्न लावून दिले, हाताच्या मेहंदीचा रंग सुद्धा उतरला नाही तर आठ दिवसा पूर्वीच लग्न झालेल्या सेजलनी अचानक आत्महत्या करण्याचा निर्णय घेतल्याने आई, वडिलांना मोठा धक्काच बसला आहे.

रविवार दिनांक १७ जुलै रोजी राहत्या घरात सेजलने कीटक नाशक औषध घेऊन आत्महत्या करण्याचा प्रयत्न केला होता,तेव्हा तिला उपचारार्थ अमरावती जिल्हा रुग्णालयात दाखल करण्यात आले होते मात्र तिची प्रकृतीत जास्त झाल्याने तिला खाजगी रुग्णालयात दाखल केले असता आज ३:३० वाजताच्या सुमारास तिचा उपचारादरम्यान मृत्यू झाला, दरम्यान सेजलच्या आत्महत्याचे कारण समजू शकले नाही.