पत्नी व मुलाला माहेरी सोडून बहिणीकडे जातो असे सांगितले अन् परतलेच नाही, आठ दिवसांनी...

गजेंद्र मंडलिक
Monday, 10 August 2020

मृतदेह कुजल्याने दुर्गंधी पसरली होती. शाम यांच्या शरीरावर मारहाण किंवा शस्त्राने वार केल्याची जखमी दिसली नाही. शवविच्छेदन अहवाल येणे बाकी आहे. घातपाताची शक्‍यता पडताळून बघू, असे पोलिस निरीक्षक शेख जमील यांनी सांगितले.

अंजनगावसुर्जी (जि. अमरावती) : अंजनगावसुर्जी तालुक्‍यात चिंचोली येथील शेताच्या धुऱ्यावर चार दिवसांपासून बेपत्ता व्यक्तीचा कुजलेला मृतदेह आढळला. मृत व्यक्तीची ओळख पटली असून, मृत्यूचे नेमके कारण समजू शकलेले नाही.

पोलिसांनी दिलेल्या माहितीनुसार, शाम उर्फ अनिल माणिक पारे (वय ४५, रा. मलकापूर) असे मृत व्यक्तीचे नाव आहे. मंगळवारी (ता. चार) रक्षाबंधनासाठी बहिणीच्या गावी जात असल्याचे सांगून शाम यांनी पत्नी व मुलाला माहेरी सोडून दिले. परंतु, शाम हे बहिणीच्या घरी गेलेच नाही. घरच्यांनी त्यांच्याबाबत विचारपूस केली असता आलेच नसल्याचे समजले.

अधिक माहितीसाठी - नोकरी हवी तर धावा, पळा, चला भरा अर्ज, महावितरणमध्ये निघाल्या तब्बल सात हजार जागा

मोठा भाऊ आशोक पारे यांनी शनिवारी (ता. आठ) शेतात जाऊन बघितले असता शाम उर्फ अनिल यांचा कुजलेला मृतदेह आढळला. तीन दिवसांपूर्वी मृत्यू झाल्याची शक्‍यता पोलिसांनी वर्तविली. मृतदेह कुजल्याने दुर्गंधी पसरली होती. शाम यांच्या शरीरावर मारहाण किंवा शस्त्राने वार केल्याची जखमी दिसली नाही. शवविच्छेदन अहवाल येणे बाकी आहे. घातपाताची शक्‍यता पडताळून बघू, असे पोलिस निरीक्षक शेख जमील यांनी सांगितले.

अमरावती : वलगाव जवळील आमला येथील नाल्याला आलेल्या पुरामुळे वाहून गेलेल्या तिघांपैकी दोघांचा शोध लागला असला तरी तिसरा व्यक्ती आठ दिवसांपासून बेपत्ता होता. अखेर रविवारी त्याचा शोध लागला. दोन ऑगस्टच्या मध्यरात्री चारजण वाहून गेल्याची घटना घडली होती. त्यातील एकजण त्यावेळी बचावला तर तिघे वाहून गेले. त्यातील दोघांचे मृतदेह त्यावेळी सापडले होते. परंतु, तिसऱ्याचा पत्ता लागत नसल्याने जिल्हा आपत्ती बचाव व शोध पथक त्याचा शोध घेत होते.

क्लिक करा - 'आम्हाला कधीही सुखाने जगू दिले नाही, त्यामुळे मी आत्महत्या करीत आहे'; वाचा छळामागच कारण

आठ दिवस घातली नदी पालथी

आठ दिवसांपासून नाला तसेच लगतची नदी पालथी घालण्यात आली. ड्रोन तसेच जेसीबीच्या मदतीने सुद्धा शोध घेण्यात आला. अखेर आज सावरखेड नजीकच्या चत्रपूर भागात सतीश भुजाडे यांचा मृतदेह आढळून आल्याचे बचाव पथकाच्या कर्मचाऱ्यांनी सांगितले. यावेळी तहसीलदार संतोष काकडे, नायब तहसीलदार दिनेश बडीये उपस्थित होते.

संपादन - नीलेश डाखोरे


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: The decomposed body of a missing person was found in Amravati