अमरावती - अमरावतीच्या नांदगावपेठ एमआयडीसीमध्ये संरक्षण सामग्री निर्मिती करणाऱ्या टेम्बो डिफेन्स कंपनीचा प्रकल्प शंभर एकर जागेवर साकारणार आहे. या कंपनीला जमीन देण्याचे राज्य सरकारने मान्य केले असून, याला ‘एमआयडीसी’चाही होकार असल्याची माहिती आहे. .अमरावती एमआयडीसी इंडस्ट्रिअल असोसिएशनचे अध्यक्ष किरण पातूरकर यांनी या वृत्ताला दुजोरा दिला असून यासंदर्भात संबंधित कंपनीचा महाराष्ट्र सरकार सोबत सामंजस्य करार झाला असल्याचे सांगितले. टेम्बो डिफेन्सेस या कंपनीला राज्य सरकारने नागपूर तसेच अमरावतीत या प्रकल्पासाठी जागा पाहण्यास सांगितले होते. त्यांना अमरावतीच्या जागेस पसंती दिली..या प्रकल्पासाठी किमान शंभर एकर सलग जागा हवी होती. ती अमरावतीच्या नांदगावपेठ पंचतारांकित महाराष्ट्र औद्योगिक विकास महामंडळामध्ये (एमआयडीसी) उपलब्ध आहे. टेम्बो ग्लोबल इंडस्ट्रीज लिमिटेडच्या पूर्ण मालकीची उपकंपनी असलेल्या ‘एमआयडीसी’कडून जमीन वाटपासाठी एक पत्र मिळाल्याचे टेम्बो डिफेन्सेस कंपनीने आज सांगितले..टेम्बो डिफेन्सेस ही कंपनी अमरावतीत आल्याने देशासाठी संरक्षण साहित्याची तसेच रोजगाराची निर्मिती होणार आहे. अंदाजे अडीचशे ते ३०० कोटींचा हा प्रकल्प आहे. या प्रकल्पात विविध प्रकारच्या बंदुकीच्या गोळ्या तयार करण्यात येतील अशी माहिती आहे.- किरण पातूरकर, अध्यक्ष, एमआयडीसी इंडस्ट्रिअल असोसिएशन, अमरावती.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
