गडचिरोली : अहेरी येथे तीन वर्षांपूर्वी सुरू करण्यात आलेल्या एकलव्य मॉडेल निवासी स्कूलमध्ये अधीक्षकाने आदिवासी विद्यार्थ्यांना काठीने व चपलेने अमानुष मारहाण केली. चार ते पाच विद्यार्थ्यांनी याबाबत नातेवाइकांना कळविल्यानंतर आदिवासी संघटनांच्या पदाधिकाऱ्यांनी गुरुवार (ता.२७) एकलव्य स्कूलमध्ये धाव घेत या प्रकरणाला वाचा फोडली. या घटनेने सर्वत्र संताप व्यक्त केला जात आहे.