तिवसा : राष्ट्रीय महामार्ग क्रमांक सहावरील वर्धा व अमरावती जिल्ह्याच्या सीमेवर असलेल्या खडका पुलावर आज (ता.१३) सायंकाळी ५.३० वाजेदरम्यान अपघात घडला. अज्ञात वाहनाच्या धडकेत एका ५५ वर्षीय दुचाकीस्वाराचा जागीच मृत्यू झाल्याची घटना घडली..मारोतराव व्यंकटराव खानजोडे, (वय ५५, रा. लहान आर्वी. जिल्हा वर्धा) असे अपघातात मृत पावलेल्या व्यक्तीचे नाव आहे. खानजोडे सुतार कामगार करीत होते. याच कामानिमित्त ते आज सकाळी दहा वाजता घरून अमरावतीला आपल्या दुचाकीने गेले होते. अमरावतीवरून परत येत असताना भारवाडी नजीक असलेल्या खडका, वर्धा पुलावर एका अज्ञात वाहनाने त्यांच्या दुचाकीला जबर धडक दिल्याने त्यांचा जागीच मृत्यू झाला. घटनेची माहिती मिळताच तिवसा पोलिसांनी घटनास्थळी धाव घेत पंचनामा केला. .मृतदेह तिवसा उपजिल्हा रुग्णालयात शवविच्छेदनासाठी पाठविण्यात आला. पुढील तपास पोलिस करीत आहे. एका अज्ञात वाहनाने धडक दिल्याने दुचाकीवरील नियंत्रण सुटल्याने हा अपघात घडल्याचा अंदाज वर्तविला जात आहे. परंतु अपघातात दुचाकीचे कुठलेही नुकसान झाले नाही. महामार्गावर रक्ताचा सडा व मृतक मारोतराव खानजोडे यांचा एक हात, दोन पाय व कमरेपासून खाली अर्ध्या शरीराचे तुकडे हे महामार्गावर विखूरले होते. त्यामुळे तिवसा पोलिस व आयआरबीच्या रुग्णवाहिका चालकाने हाताने शरीराचे तुकडे गोळा केले..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
